 |
Tiu ĉi artikolo traktas la urbon Schleswig. Pri la samnoma historia lando Schleswig informas la artikolo Ŝlesvigo. |
| Schleswig | |||||||
| |||||||
 | |||||||
 | |||||||
|---|---|---|---|---|---|---|---|
| urba komunumo de Germanio • urbeto • ĉefurbo de distrikto en Germanio | |||||||
| |||||||
| Administrado | |||||||
| Federacia lando | Ŝlesvigo-Holstinio | ||||||
| Distrikto | Distrikto Schleswig-Flensburg | ||||||
| Urborajtoj | Urbo (Stadt) | ||||||
| Telefona antaŭkodo | 04621 | ||||||
| Poŝtkodo | 24837 | ||||||
| Aŭtomobila kodo | SL | ||||||
| Oficiala Municipokodo | 01059075 | ||||||
| NUTS | DEF0C | ||||||
| Politiko | |||||||
| Komunumestro | Dr. Arthur Christiansen | ||||||
| Partio de komunumestro | Nepartia | ||||||
| Adreso de la administrejo | Rathausmarkt 1 24837 Schleswig | ||||||
| Demografio | |||||||
| Loĝantaro | 25832 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 54° 31′ N, 9° 34′ O (mapo)54.5152777777789.5697222222222Koordinatoj: 54° 31′ N, 9° 34′ O (mapo) | ||||||
| Alto super la marnivelo | 1 m | ||||||
| Areo | 24,3 km² | ||||||
| Oficiala retejo | http://www.schleswig.de | ||||||
Schleswig (dane Slesvig, en Esperanto Ŝlesvigo) estas urbo en Germanio. Ĝi troviĝas en la distrikto Schleswig-Flensburg de la federacia lando Ŝlesvigo-Holstinio. La 1-an de decembro 2005 la urbo havis 24.071 loĝantojn.
En ĝia proksimeco ekde la 9-a jarcento situis la vikinga komerca urbo Haithabu, kiu dum tiu epoko estis la centro de la komerco en norda kaj nordorienta Eŭropo.
Muzeoj
La plej gravaj muzeoj de la distrikto troviĝas en la urbo Schleswig. La landa muzeo por arto kaj kultura historio kaj la landa arkeologia muzeo havas sian sidejon en la kastelo Gottorf: inter la eksponaĵoj menciindas interalie la historia ŝipo Nydam kaj iuj surprize bone konserviĝintaj kadavroj de malbonŝancaj homoj, kiuj dronis en marĉo kaj kies korpoj konserviĝis sub la marĉa surfaco. En la plej granda prahistoria muzeo de Germanio entute prezentiĝas pli ol 5 milionoj da trovaĵoj en granda kolekto prahistoria kaj malpli granda mezepoka. La vikinga muzeo Haithabu (vidu supre) same apartenas al la landa arkeologia muzeo kaj ekde 1985 prezentas trovaĵojn el la historia vikinga urbo. Proksime de la kastela insulo de la urbo Schleswig ankoraŭ ekzistas etnografia muzeo, kiu prezentas la historion de ĉiutaga regiona kulturo el la lasta jarmilo.
La pejzaĝa muzeo Unewatt en Langballig konsistas el kvar muzeaj insuloj, sur kiuj prezentiĝas tipaj historiaj agrikulturaj konstruaĵoj (kamparaj bienoj, laktoprilaborejo, ventomuelejo) kaj ilaroj en historia vilaĝo. Kerno de la muzeo Danewerk (Danevirkegården) en la komunumo Dannewerk estas historia digaro, pruvaĵo de pratempa fortikaĵo kaj la plej granda geografia monumento de Norda Eŭropo.
Ĝemelaj urboj
- London Borough of Hillingdon (Anglio, de 1958)
- Mantes-la-Jolie (Francio, de 1958)
- Vejle (Danio, de 1977)
- Waren (Germanio, Meklenburgo-Antaŭpomerio, de 1990)
Esperanto-movado
Estas gastiganto de Pasporta Servo tie.
Vidu ankaŭ
- Ŝlesvigo, lando
