Schönholzerswilen
Blazono de
Blazono de
Vilaĝocentro de Schönholzerswilen
Vilaĝocentro de Schönholzerswilen
Vilaĝocentro de Schönholzerswilen
komunumo en Svislando
Kantono Turgovio
DistriktoWeinfelden
Koordinatoj 47° 31′ 0″ N 9° 8′ 0″ O / 47.51667 °N, 9.13333 °O / 47.51667; 9.13333 (mapo)Koordinatoj: 47° 31′ 0″ N 9° 8′ 0″ O / 47.51667 °N, 9.13333 °O / 47.51667; 9.13333 (mapo)
Nombro de loĝantoj751
Areo10,9 km²
Alteco555 m super marnivelo
Poŝtkodo8577
Komunumkodo4756
Mapo de Schönholzerswilen
Mapo de Schönholzerswilen
Mapo de Schönzlzerswilen

Schönholzerswilen estas komunumo de la distrikto Weinfelden (ĝis la 31-a de decembro 2010 de la distrikto Münchwilen) en Kantono Turgovio, Svislando. Ĝi havis 751 loĝantojn je la 31-a de decembro 2007.

Geografio

La komunumo Schönholzerswilen situas ĉe la norda deklivo de la monteto Nollen super la Turvalo kaj ofertas belan panoramon al la Seerücken en nordo kaj al Säntis en oriento. Sude de la vilaĝo fontas la rivero Furtbach, kiu fluas nordokcidenten por alflui la riveron Turo en Bussnang. La komunumo konsistas el la vilaĝeoj Schönholzerswilen kaj Toos kaj multnombraj vilaĝetoj Befang, Hagenwil, Hasle, Heiligkreuz, Leutenegg, Looche, Metzgersbuwil, Nollenberg, Ritzisbuwil, Waablingen kaj Widehueb, kaj tuta nombro de izolitaj bienoj kaj domgrupoj. Schönholzwilen situas en la centro de la kvarangulo Bischofszell, Wil, Frauenfeld kaj Weinfelden.[1]

La teritorio de la komunumo etendiĝas sur areo de 10,94 km², de kiuj 23,2% estas kovritaj de arbaro, 51,4% servas por agrikulturo kaj 22,1% por setlado. [2]

Najbaraj komunumoj

Schönholzerswilen limas en okcidento al Braunau, en sudo al Wuppenau en oriento al Kradolf-Schönenberg, en nordo al Bussnang, kaj en nordokcidento al Bürglen.

Trafiko

Schönholzerswilen facile atingeblas per poŝtaŭto, publika taksio kaj noktobuso ek de Wil SG kaj Weinfelden.

Ekonomiaj kaj statistikaj faktoj

De la 751 loĝantoj 2,6% estas eksterlandanoj (kio estas kompare kun averaĝa svisa proporcio de pli al 20% tre malalta cifero). Ekzistas en la komunumo proksimume 30 sendependaj neagrikulturaj entreprenoj kaj 55 sendependaj kamparanentreprenoj. 35 personoj laboras en Schönholzerswilen, kiuj ne loĝas en la komunumo, dum 215 loĝantoj de la komunumo laboras aliloke, precipe en la proksimaj urboj Wil kaj Weinfelden. La elcentaĵoj de senlaboruloj estas 0,5%. [3]

Lernejoj

Schönholzerswilen disponas pri propraj infanĝardeno, bazlernejo kaj sekundarlernejo. La politika komunumo Schönholzerswilen formas kune kun siaj najbaraj komunumoj la Popollernejkomunumon Nollen (germane Volksschulgemeinde Nollen) .

Historio

La unua dokumenta mencio de Schönholzerswilen datiĝas supozeble el la jaro 857 kiel Wichrammeswilare. La hodiaŭa politika komunumo Schönholzerswilen estiĝis la 1-an de januaro 1964 per la kunigo de la ĝis tiam sendependaj lokkomunumoj Schönholzerswilen kaj Toos.[4]

Notoj kaj referencoj

  1. ↑ Fonto: Reta mapo 1:20000 de Swisstopo
  2. ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. ↑ Fonto: Tiuj-ĉi informoj baziĝas sur ciferoj de la oficiala retejo de la komunumo kun valideco je la 31-a de decembro 2007.
  4. ↑ Fonto: Erich Trösch: Bedretto en Historia Leksikono de Svislando (2011-04-13)

Eksteraj ligiloj

Bildoj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.