Salland - jen nederlande, malaltsakse: Sallaand, frise Sallân - estas regiono en la nederlanda provinco Overijssel (Overiselo).
La regiono inkluzivas la areon inter la urboj Deventer, Zwolle, Ommen kaj Rijssen-Holten kaj estas pejzaĝe interesa kun malgrandaj kasteloj kaj arbaroj. La orienta bordo de la rivero IJssel formas la okcidentan limon de la regiono. Krom la menciitaj urboj, aparte gravas la ampleksa industria vilaĝo Raalte. De turisma intereso estas la Nacia Parko Sallandse Heuvelrug ("Salland-a dorso de montetoj"), kies milde ondantaj montetoj altiĝas ĝis 75 m super la marnivelo, biciklovojaĝoj kaj urba arkitekturo.
Historio
Salland (aŭ Salalant, kiel ĝi estis konata) unue estas menciita dum la frua Mezepoko. La regiono estas plej verŝajne nomita laŭ la rivero IJssel, antikve konata kiel Isala, kaj la laglando Sallzee ĉe la kunfluo de la riveroj Vecht kaj IJssel. La regiono povas esti la origina loĝejo de la franka tribo de salfrankoj de la 3-a ĝis 4-a jarcento, de kiuj devenas la mezepoka dinastio de saliaj frankoj en la 11-a ĝis 12-a jarcento.
Amplekso nuntempe
La regiono nuntempe (2024) konsistas el la sekvaj municipoj:
|
|
