Freŝa lorena kiŝo

Kiŝo (france quiche) aŭ lorena kiŝo estas nedolĉa torto, plejofte farita el foliopasto kun ovoj, lardo kaj kremo. Oni plejofte surtabligas kiŝon, kiam ĝi estas ankoraŭ varma.

La nomo estas francdevena, sed origine deriviĝis de la germana vorto Kuchen (kuko).

Estas multaj receptoj kun diversaj legomoj (poreo, brokolo, ĉampinjonoj, ...), kun fiŝaĵo kaj viando, kaj kun fromaĝo, sed tiuj ne nomiĝu lorena kiŝo. Aliaj variantoj estas tiuj kun ekstra fromaĝo (vogeza kiŝo) kaj kun cepoj (alzaca kiŝo).