| Ruesga | |||
|---|---|---|---|
 | |||
| municipality of Cantabria | |||
|
|
| ||
| Flago | Blazono | ||
| Administrado | |||
| Poŝtkodo | 39815 | ||
| Demografio | |||
| Loĝantaro | 809 (2023) [+] | ||
| Loĝdenso | 9 loĝ./km² | ||
| Geografio | |||
| Geografia situo | 43° 17′ N, 3° 34′ U (mapo)43.2825-3.56Koordinatoj: 43° 17′ N, 3° 34′ U (mapo) [+] | ||
| Alto | 136 m [+] | ||
| Areo | 88 km² (8 800 ha) [+] | ||
| Horzono | UTC+01:00 [+] | ||
_Mapa.svg.png.webp) | |||
| |||
| |||
|
| |||
| Alia projekto | |||
 Vikimedia Komunejo Ruesga [+] | |||
Ruesga [RŬESga] estas municipo en nordorienta Kantabrio, Hispanio, en la komarko Asón-Agüera.
Geografio
La municipo disdividiĝas en du partoj, el kiuj la plej malgranda estas okcidente de la municipo Arredondo. Ĝi limas kun Solórzano kaj Voto, norde; Soba, sude; Rasines kaj Ramales de la Victoria, oriente; kaj kun Arredondo, Riotuerto kaj Entrambasaguas okcidente. Ĝi estas je 50 km de Santandero.
Estas multaj grotoj en la areo, el kiuj unu estas pli ol 20 km longa.
Demografio
Por areo de 87,96 km² estas 826 loĝantoj (laŭ censo de 2021). Tiuj 826 loĝantoj estas distribuataj en jenaj loĝlokoj: Calseca, Matienzo, Mentera Barruelo, Ogarrio, Udalla kaj Vear de Udalla.
Historio
Oni menciis ĝin per la nomo Valle de Ruesga en la testamento de Ordoño la 2-a, konservita en la Liber Testamentorum de la Katedralo de Oviedo. Estas registro de ĝia ligo al la Kapitula Kirko de Valpuesta, sidejo de la episkopo ĝis la 11-a jarcento.
La ekspansio de la senjorlando de la stirpo de Velasco al Ruesga estas registrita en la libro Becerro de las Behetrías (1352), laŭ kio tiu Valle de Ruesga estis de Pedro Fernández de Velasco. En 1392, Johano la 2-a de Kastilio konfirmis al sia ĉefservisto, Juan de Velasco, ĉiujn liajn posedaĵojn en Ruesga kaj en Soba. En 1434 estis registrita la pago de impostoj al la Duko de Haro, kun mencio de la loĝlokoj Matienzo, Barruelo kaj Riba en Solares.
La censo de Floridablanca, en la 18-a jarcento, konfirmis la senjorecon al la posteuloj de Velasco, nome la Dukoj de Frías, kiuj nomumis urbestron kaj vicurbestron.
En la 19-a jarcento la Valle de Ruesga dividiĝis en du modernaj municipoj, sude Arredondo, kaj la cetero kun ĉefurbo en Riva, kun Riva, Matienzo, Mentera kun ties kvartalo Barruelo, Garrio kaj Valle. En 1822 ĝi havis 2 524 loĝantojn.
Ekonomio
Ĉirkaŭ 36,2 % de la municipa laboristaro dediĉas sin al la unuaranga sektoro, 14,5 % al konstruado, 11,4 % al industrio kaj 37,9 % al sektoro servoj.
Heredo
De ĝia heredo elstaras tri Havaĵoj de Kultura Intereso, nome:
- Groto “El Patatal”.
- Groto “Cofresnedo”.
- Groto “Los Emboscados”.
Krome, la Palaco de la familio Valle aŭ de Bárcena estas katalogita havaĵo.
Bildoj
Valle.
Rivero Asón ĉe Valle.