| Tafers | |
|---|---|
 Blazono de Tafers | |
| Blazono de Tafers | |
 Preĝejo Sankta Marteno en Tafers | |
| Preĝejo Sankta Marteno en Tafers | |
| komunumo en Svislando | |
| Kantono | Friburgo |
| Distrikto | Sinĝino |
| Koordinatoj | 46° 48′ 54″ N 7° 12′ 57″ O / 46.81500 °N, 7.21583 °O (mapo)Koordinatoj: 46° 48′ 54″ N 7° 12′ 57″ O / 46.81500 °N, 7.21583 °O (mapo) |
| Nombro de loĝantoj | 2851 |
| Areo | 8,40 km² |
| Alteco | 651 m super marnivelo |
| Poŝtkodo | 1712 |
| Komunumkodo | 2306 |
 Mapo de Tafers | |
| Mapo de Tafers | |
Tafers (en la franca lingvo Tavel) estas komunumo kaj ĉefloko de la distrikto Sinĝino en Kantono Friburgo, Svislando. Ĝi havis 2851 loĝantojn je la 31-a de decembro 2010.
Geografio
Tafers situas en la Friburga Mezlando oriente de la rivero Sarino en oriento de la kantonĉefurbo Friburgo. La komunumo konsistas el la vilaĝoj Tafers, Rohr kaj Klein-Schönberg. La sudokcidentan komunumlimon formas la rivero Galtera, kiu sude de Klein-Schönberg ĉe la limo al Friburgo alfluas al Sarino. En Tafers situas la Friburga Hospitalo kaj la Kastelo Maggenberg.[1]
La teritorio de la komunumo etendiĝas sur areo de 8,40 km², de kiuj 21,2% estas kovritaj de arbaro, 63,5% servas por agrikulturo kaj 14,9% por setlado. [2]
Najbaraj komunumoj
La komunumo Tafers limas en nordo al Düdingen, en nordoriento al Schmitten, en oriento al Sankt-Antoni, en sudoriento al Alterswil, en sudokcidento al Sankt-Urso, kaj en okcidento al Friburgo.
Trafiko
En Tafers kruciĝas la kantona ĉefvojo de n-ro 177 de Plaffeien al Morato kun la kantona ĉefvojo n-ro 183 de Friburgo al Schmitten. La plej proksima alveturejo al la svisa aŭtovojo A12 situas 2 kilometrojn norde de Tafers en Düdingen. Per la poŝtaŭtolinioj de Friburgo al Schwarzenburg kaj de Düdingen al Plaffeien la komunumo estas konektita al la publika transportreto.
Historio
La unua dokumenta mencio de Tafers datiĝas el la jaro 1150 kiel Tabernis. Sur la teritorio de la komunumo ekzistas tri tombomontetoj el la Hallstatt-epoko, kiuj tamen ne estas esploritaj. En la komunumparto Bruchmatt ekzistis setlejo el la gaŭla kaj romia epoko. Dum mezepoko Tafers apartenis al la Flago Au de la urba ŝtato Friburgo. Dum la Helveta Respubliko de 1798 ĝis 1803 kaj poste ĝis 1831 Tafers apartenis al la distrikto Friburgo. En la jaro 1831 Tafers konstituiĝis kiel politika komunumo kaj estis atribuita al la germana distrikto de Kantono Friburgo. Sub la nova konstitucio de 1848 ĝi fariĝis parto de la distrikto Sinĝino kaj ties ĉefloko.[3]
Notoj kaj referencoj
Eksteraj ligiloj
- Vidu ankaŭ en la Vikimedia Komunejo la kategorion Tafers – (Kolekto de bildoj kaj plurmediaj dosieroj)
Bildoj
Jakoba kapelo
Lernejo
