| Robertsonpet | |||
|---|---|---|---|
| setlejo | |||
| Administrado | |||
| Poŝtkodo | 563122 | ||
| Demografio | |||
| Geografio | |||
| Geografia situo | 12° 57′ N, 78° 17′ O (mapo)12.954778.2767Koordinatoj: 12° 57′ N, 78° 17′ O (mapo) [+] | ||
| Alto | 843 m [+] | ||
| Areo | 58,12 km² (5 812 ha) [+] | ||
| Horzono | UTC+05:30 [+] | ||
| |||
| |||
|
| |||
Robertsonpet, kanare ರಾಬರ್ಟ್ಸನ್ ಪೇಟೆ estas urbego en distrikto Kolar, en subŝtato Karnatako, en suda Barato. Ĝi estas unu el la unuaj laŭplanaj urboj en la nuntempa Barato.
Geografio
Robertsonpet situas en altebenaĵo en alteco 843 metrojn de la marnivelo. Distrikta sidejo Kolar troviĝas 24, Hosur 51, subŝtata ĉefurbo Bengaluro 73, Mumbajo 886, Kolkato 1514, tutlanda ĉefurbo Delhio 1748 kilometrojn (aere) .
Demografio
En 2011 populacio de Robertsonpet estis 162 230 (kun la aglomeraĵo). La legopovo estis 91.7%.
Historio
En la malfrua 19-a kaj frua 20-a jarcento la minado de oroj disetendiĝis en la areo. La urbeto unue estis establita en 1901 kiel Nova Urbo por loĝigi la populacion laborantan en la minejoj. En 1903 la urbeto estis renomita kiel Robertsonpet. Ĝi estis nomita pri Sir Donald Robertson, kiu multe strebis por normalaj loĝeblecoj de la ministoj. En la urbeton tuj migris ankaŭ komercistoj, ĉiuspecaj metiistoj kaj ili instalis butikojn en Robertsonpet.
Ekonomio
Ekde la malfrua 19-a jarcento ĝis 2001 okazis la orminado, poste la ekonomion transprenis la serva sektoro.
Religio
Laŭ la barata censo en 2001 la hinduismo estas la plimulta religio en Robertsonpet kun preskaŭ 78%. Estas ankaŭ kristanoj (12%) kaj islamanoj (9%).
Lingvoj
Laŭ la censo en 2001 la ĉeflingvo estas en Robertsonpet kiel oficiala lingvo la kanara lingvo, tamen ankaŭ la angla estas vaste konata, kiel heredaĵo de la brita dominado.
Popoloj
Iam estis signifa brita populacio, el iliaj posteuloj restis iom. Robertsonpet estas fandopoto de kulturoj kun homoj de malsamaj komunumoj. Krom la indiĝenoj kaj britoj alvenis enmigrintoj ĉiuspecaj.
Klimato
En Robertsonpet jare pluvas averaĝe 879 mm. Inter aŭgusto-oktobro pli ofte pluvas, en januaro kaj februaro apenaŭ pluvas. La averaĝa jara temperaturo varias inter 18-30 °C.
Vidindaĵoj
Fontoj
- WikiTrans