| Maranjono | |
|---|---|
.jpg.webp) | |
| rivero | |
| Bazaj informoj | |
| Longeco | 1 737 km |
| Akvokolekta areo | 358 000 km² |
| Averaĝa trafluo | 16 708 m³/s |
| Fluo | |
| Geografio | |
| Landoj | Peruo |
| Regionoj | Departemento Huánuco |
La rivero Maranjono, aŭ en la hispana río Marañón, estas grava rivero de Peruo, unu el la ĉefaj alfluantoj de la alta fluo de la rivero Amazono.
Geografio
La rivero Maranjono naskiĝas en la glaciejo Nevado de Yapura, je ĉirkaŭ 5.800 m super la marnivelo, en la Andoj de la orienta Peruo.
Post flui ĉirkaŭ 1.600 km, ĝi ununiĝas kun la rivero Ukajalo kaj naskas la riveron Amazonon, ĉe la loko de Naŭta en la departemento Loreto.
Ĝiaj alfluantoj plej gravaj estas la riveroj Utkubambo, Krisneĥas, Ĉamaja, Cenepa, Santiago, Morona, Pastaza, Huallaga (1.300 km) kaj la Tigre (600 km).
Pro ĝia kvanto de akvofalo kaj rapidoj ĝi estas rivero navigebla nur en la malsupra parto.
En ĝis baseno loĝas la fama popolo de la ŝuaroj aŭ jivaroj.
Tra la departemento Amazonio la rivero trapasas la regionon de la pongoj (tipo de kanjono mallarĝega kaj profunda) nome la pongoj de Rentema, de Mayo, de Mayasita, Cumbianama, Huarcayo kaj la pongo de Manseriche, la plej konata el la peruaj pongoj. Tiu regiono de la Pongoj gravas geografie ĝar danke al tiu la rivero Maranjono atingas la riveron Ukajali por formi la riveron Amazono, tiele la plej longa kaj akvenhava el la mondo.