Je la speciala teorio de relativeco, la invarianta maso aŭ ripoza maso aŭ simple maso estas la normo de la kvardimensia movokvanto de korpo — alivorte, la mas-ekvivalento de tiu energio, kiun korpo havas en sia referenckadro (“dum ripozo”).

Difino

Supozu ke la energio de korpo estas ${\displaystyle E}$, kaj la (tridimensia) movokvanto estas ${\displaystyle {\vec {p}}}$. Alivorte, la kvardimensia movokvanto estas la ĉi-subo:

${\displaystyle p_{\mu }=(E/c,{\vec {p}})}$.

(En tio, ${\displaystyle c}$ signifas la lumrapidon.) Supozu ke la signaro de la spactempa metriko estas plejparte plusa:

${\displaystyle \eta _{\mu \nu }=\operatorname {diag} (-1,+1,+1,+1)}$.

Do, la invarianta maso de la korpo estas la ĉi-suba kvanto:

${\displaystyle m_{0}={\sqrt {-\eta ^{\mu \nu }p_{\mu }p_{\nu }/c^{2}}}={\sqrt {E^{2}/c^{4}-\|{\vec {p}}\|^{2}/c^{2}}}}$.

Propraĵoj

La invarianta maso estas fizika invarianto: ĝi ne dependas de la referenckadro de la observanto.

Eksteraj ligiloj

• Weisstein, Eric. Rest mass (angle). Eric Weisstein’s World of Physics.