Kiel legi la taksonomion
Kiel legi la taksonomion
Ripiduredoj
Rhipidura rufifrons
Rhipidura rufifrons
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Rhipiduridae
Sundevall, 1872
Genro: Rhipidura
Vigors & Horsfield 1827
Specioj

Vidu tekston.

Aliaj Vikimediaj projektoj

La Ripiduredoj (Rhipiduridae) aŭ populare en kelkaj lingvoj ventumilvostuloj estas familio el la ordo de la Paseroformaj birdoj (Passeriformes). Ekzistas 45 specioj en nur unu genro Ripiduro (Rhipidura).

Aspekto

Temas pri birdoj de inter 15 kaj 18 centimetroj – unu el la plej grandaj, Rhipidura leucophrys, havas 23 centimetrojn – kun fortaj bekoj. La vosto kutime estas pli longa ol la korpo.

Disvastiĝo

Ili plejparte troviĝas en Aŭstralio, sed ankaŭ en Nov-Gvineo, Nov-Zelando kaj aliaj insuloj de la Pacifiko. Ekzistas ankaŭ ripiduroj en aliaj partoj de Sudazio. La specioj, kiuj vivas en pli malvarmaj regionoj de Aŭstralio aŭ de Himalajo, estas migrobirdoj.

Vivo

Ripiduroj vivas ĉefe en ĉiuspecaj arbaroj, ankaŭ inter mangrovoj. En pluvarbaroj povas okazi, ke tri malsamaj specioj loĝas en unu arbo en diversaj etaĝoj. Tiel ili utiligas ĉiujn arbarajn biotopojn.

Ili nutras sin per insektoj, kiujn ili kaptas dum flugado. Nur la plej grandaj prenas nutraĵon ankaŭ de sur la tero.

La plej multaj specioj estas hiperaktivaj. Dum ili flugas, ili piruete petolas, dum ili sidas, ili daŭre turniĝas, svingante la voston supren kaj malsupren, distendante kaj refaldante ĝin.

En printempo ili defendas sian teritorion kaj konstruas nestabilajn pokalformajn nestojn. Ne malofte ili kovas plurfoje dum la jaro.

Nomo

La nomo venas el la helena ῥιπίζειν = balanci, svingi, ventumi, kaj οὐρά = vosto. Pro tio en la germana kaj angla ili nomiĝas ventumilvostuloj (Fächerschwänze, Fantails).

Specioj [1]

  • Subeflava ripiduro (Rhipidura hypoxantha)
  • Brova ripiduro (Rhipidura superciliaris)
  • Cejankapa ripiduro (Rhipidura cyaniceps)
  • Fenikura ripiduro (Rhipidura phoenicura)
  • Nigracinama ripiduro (Rhipidura nigrocinnamomea)
  • Blankakola ripiduro (Rhipidura albicollis)
  • Blankgorĝa ripiduro (Rhipidura albogularis)
  • Larĝvosta ripiduro (Rhipidura euryura)
  • Ĉarma ripiduro (Rhipidura aureola)
  • Rufventra ripiduro (Rhipidura rufiventris)
  • Java ripiduro (Rhipidura javanica)
  • Perla ripiduro (Rhipidura perlata)
  • Blankabrova ripiduro (Rhipidura leucophrys)
  • Pala ripiduro (Rhipidura diluta)
  • Malhelrufa ripiduro (Rhipidura fuscorufa)
  • Kokerela ripiduro (Rhipidura cockerelli)
  • Blankbordera ripiduro (Rhipidura albolimbata)
  • Punca ripiduro (Rhipidura hyperythra)
  • Lamentbrusta ripiduro (Rhipidura threnothorax)
  • Makulbrusta ripiduro (Rhipidura maculipectus)
  • Blankbrusta ripiduro (Rhipidura leucothorax)
  • Nigra ripiduro (Rhipidura atra)
  • Fulga ripiduro (Rhipidura fuliginosa)
  • Blankŝultra ripiduro (Rhipidura albiscapa)
  • Fazana ripiduro (Rhipidura phasiana)
  • Droŭnea ripiduro (Rhipidura drownei)
  • Tenebra ripiduro (Rhipidura tenebrosa)
  • Renela ripiduro (Rhipidura rennelliana)
  • Makulkola ripiduro (Rhipidura spilodera)
  • Maska ripiduro (Rhipidura personata)
  • Nebula ripiduro (Rhipidura nebulosa)
  • Kurtbeka ripiduro (Rhipidura brachyrhyncha)
  • Tejsmana ripiduro (Rhipidura teysmanni)
  • Superflua ripiduro (Rhipidura superflua)
  • Dedema ripiduro (Rhipidura dedemi)
  • Ruĝpuga ripiduro (Rhipidura opistherythra)
  • Gracila ripiduro (Rhipidura lepida)
  • Rufdorsa ripiduro (Rhipidura rufidorsa)
  • Matiasa ripiduro (Rhipidura matthiae)
  • Dahla ripiduro (Rhipidura dahli)
  • Malaita ripiduro (Rhipidura malaitae)
  • Duonruĝa ripiduro (Rhipidura semirubra)
  • Ruffrunta ripiduro (Rhipidura rufifrons)
  • Driada ripiduro (Rhipidura dryas)
  • Kubaria ripiduro (Rhipidura kubaryi)

Literaturo

  • Joseph Forshaw, Enzyklopädie der Vögel, Augsburg 1999, ISBN 3-8289-1557-4, p. 199 – 200

Eksteraj ligiloj

Interreta datenbazo Avibase

Notoj

  1. laŭ la taksonomio de Clements, 6a eldono, kia ĝi estas uzata en Avibase
Rhipidura fuliginosa
Rhipidura leucophrys
Rhipidura rufiventris


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.