| Guggisberg | |
|---|---|
 Blazono de Guggisberg | |
 Preĝejo de Guggisberg | |
| komunumo en Svislando | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Schwarzenburg |
| Koordinatoj | 46° 46′ 0″ N 7° 20′ 0″ O / 46.76667 °N, 7.33333 °O (mapo)Koordinatoj: 46° 46′ 0″ N 7° 20′ 0″ O / 46.76667 °N, 7.33333 °O (mapo) |
| Nombro de loĝantoj | 1602 |
| Areo | 54,9 km² |
| Alteco | 1115 m super marnivelo |
| Poŝtkodo | 3158 |
| Komunumkodo | 0852 |
 Mapo de Guggisberg | |
Guggisberg estis ĝis la 31-a de decmebro 2009 komunumo de la iama distrikto Schwarzenburg kaj ek de la 1-a de januaro 2010 de la administra distrikto Berno-Mezlando en Kantono Berno, Svislando. Ĝi havis 1602 loĝantojn je la 31-a de decembro 2007.
Geografio
_218.jpg.webp)
Guggsiberg situas en la bernaj Antaŭalpoj en montara kamparo en la tiel nomita Schwarzenburgerland. En okcidento la rivero Sense, alfluanto de Saane, formas la limon kun Kantono Friburgo.
Al Guggisberg apartenas krom Guggisberg mem ankaŭ la municipoj Riffenmatt-Schwendi, Kriesbaumen, Riedstätt, Kalchstätten, Hirschmatt-Laubbach, Riedacker, Sangernboden kaj Ottenleuebad.
La najbaraj komunumoj estas en nordo Wahlern, en oriento Rüschegg kaj en sudo Oberwil im Simmental situantaj ĉiuj en Kantono Berno, kaj en okcidento en Kantono Friburgo Plaffeien kaj Alterswil.
Trafiko
Guggisberg estas ligita per divesaj poŝtaŭtolinioj kun Schwarzenburg kaj Friburgo. En sudo la Gurnigelpasejo konektas la komunumon al la Aro-Valo.
Historio
La unua skriba mencio de Guggisberg datiĝas el dokumento de la jaro 1148 de la papo Eŭgeno la 3-a kiel Cucansperc. En la jaro 1423 per aĉeto Guggisberg fariĝis po egalaj duonoj posedaĵo de Berno kaj Friburgo. Tio validis ĝis post la Helveta Revolucio en la jaro 1803, kiam Guggisberg estis reunigita kaj fariĝis komplete parto de Kantono Berno.
Kanzono de Guggisberg
La fama melankolia popolkanzono de Guggisberg estis menciita unuan fojon en la jaro 1741. Per la interpretado de la kantisto Stephan Eicher en 1989 la kanzono atingis tutmondan konatecon.
Esperanto-Movado
En la municipo Sangernboden en Guggisberg la 1-an kaj 2-an de novembro 2008 okazis svisa familia renkontiĝo sub aŭspicio de Svisa Esperanto-Societo.
Eksteraj ligiloj
| ||||||
