| Ribamontán al Mar | |||
|---|---|---|---|
 | |||
| municipality of Cantabria | |||
|
| |||
| Flago | |||
| Administrado | |||
| Lando | Hispanio | ||
| Regiono | Kantabrio | ||
| Distrikto | Trasmiera | ||
| Poŝtkodo | 39150 | ||
| Retpaĝaro | Municipa retejo | ||
| Politiko | |||
| Urbestro | Francisco Asón (PRC) | ||
| Demografio | |||
| Loĝantaro | 4 513 (2013) | ||
| Loĝdenso | 122,17 loĝ./km² | ||
| Geografio | |||
| Geografia situo | 43° 27′ N, 3° 40′ U (mapo)43.455555555556-3.67Koordinatoj: 43° 27′ N, 3° 40′ U (mapo) | ||
| Alto | 50 m [+] | ||
| Areo | 36,94 km² (3 694 ha) | ||
| Horzono | UTC+01:00 [+] | ||
_Mapa.svg.png.webp) | |||
| |||
|
| |||
| Alia projekto | |||
 Vikimedia Komunejo Ribamontán al Mar [+] | |||
Ribamontán al Mar [ribamonTAN al MAR] estas municipo en la aŭtonoma komunumo Kantabrio. Ĝi situas ĉe la Kantabra Maro kaj 32 kilometrojn for de la komunuma ĉefurbo Santandero.
Ĝiaj limoj estas norde la Kantabra Maro, okcidente Bareyo, kaj sude Ribamontán al Monte kaj Marina de Cudeyo. Ĝi situas en la historia distriko Trasmiera. Laŭ la censo de 2013, en la municipo vivis 4513 homoj. La unua historia konata mencio pri la loko datiĝas je la 11-a jarcento. En Mezepoko ĝi estis unuo, tio estas simple Ribamontán, kun la suda municipo Ribamontán al Monte. Kiam la administra sistemo de municipoj ekekzistis, la unuo estis dividita en la du nunajn municipojn: Ribamontán al Mar (ĉe maro) kaj Ribamontán al Monte (ĉe monto).
La municipo estas konata pro ties larĝaj sablaj strandoj, plej elstare tiuj en la vilaĝoj Loredo, Langre kaj Somo, kiuj allogas multajn turistojn dum somero. La strando de Somo situas meze de la Golfo de Santandero, kaj ĝi estas unu el la plej grandaj strandoj en Kantabrio. De ĝi veturas ŝiplinio, kiu kunigas la vilaĝojn Somo kaj Pedreña (en apuda municipo Marina de Cudeyo) kun la urbokerno de Santandero.
La municipo estas grava loko por ondorajdado, kaj ĝi estis deklarita "natura rezervejo por ondorajdado" kiel unua loko en Hispanio kaj dua en Eŭropo.[1] En la municipo ekzistas pluraj lernejoj pri ondorajdado, kiuj estas plej aktivaj dum somero.
Vilaĝoj
La municipo enhavas jenajn loĝatajn vilaĝojn:
- Carriazo (sidejo de la municipa registaro)
- Castanedo
- Galizano
- Langre
- Loredo
- Somo
- Suesa