Reĝaj palacoj de Abomejo
palaco [+]
Lando	Benino
Regiono	Departemento Zou
Situo	Abomejo
- koordinatoj	7° 11′ 11″ N, 1° 59′ 38″ O (mapo)7.186451.9940027777778Koordinatoj: 7° 11′ 11″ N, 1° 59′ 38″ O (mapo)
Areo	0,48 km² (47,6 ha) [+]
Reĝaj palacoj de Abomejo
Vikimedia Komunejo:  Royal Palaces of Abomey [+]
Monda heredaĵo Lando  Benino Tipo kultura heredaĵo Kriterioj iii, iv Fonto 323 Regiono** Afriko Geografia situo 7° 11′ 11″ N, 1° 59′ 38″ O (mapo)7.186451.9940027777778 Registra historio Registrado 1985  (9-a sesio) Ruĝa listo 1985-2007 Geografia lokigo sur la mapo : Benino Reĝaj palacoj de Abomejo (Benino) DEC * Traduko de la nomo en la listo de la monda heredaĵo. ** Regiono laŭ Unesko.

La Reĝaj palacoj de Abomejo estas argilkonstruaĵoj starigitaj de la nagooj por iliaj monarkoj ekde la duono de la 17-a jarcento ĝis la fino de la 19-a. Dek du sinsekvaj reĝoj konstruigis siajn palacojn en la sama urbo ene de murigita ejo. Nur unu el ili, la reĝo Akabo konstruigis ĝin ekstere.

La monumenta aro estis aldonita al la listo de Monda heredaĵo de Unesko kaj en ĝia ruĝa listo. Pro tornado en 1985, la urbo Abomejo estis damaĝita kune kun la palacoj kaj muzeoj.

De tiam, pluraj programoj pri konservado realiĝis por restaŭrado de la monumentoj kiuj estas la lastaj spuroj de la monarkia dinastio. Danke al la konstanta laborado, en 2007, ĝi estis forigita el la ruĝa listo.

Abomejo en Esperanto

En la kvina kanto de la verko de Abel Montagut nome Poemo de Utnoa okazas asembleo de la Gobanoj (eksterteranoj). Tie oni akceptas, ke oni plikuraĝigu la malfortigitan Utnoan (nome la ĉefrolulo Noa) pere de la drogo anoŭdo. Inna malsupreniras kaj liveras ĝin al Noa. Je ties efiko aperas antaŭ li la poeto Valmikio kaj poste la japana pentristo Hokusajo kiuj montras al li laŭvice la enormajn atingojn de la estonta homaro, se li sukcesas savi ĝin, nome, en Azio, kaj poste venas la vico de Fidiaso, kaj poste Maria Sklodovska, kiuj montras al Utnoa la mirindaĵojn de Eŭropo. La venonta ĉiĉerono estas Akenatono kiu montras interesaĵojn el Afriko kaj poste prezentas la venontan ĉiĉeronon nome Sunĝata Kejta; tiu omaĝas la historian gravon de la areo:

„  Ili nun flugas super la Dahomeja grandurbo, Abomej, kie staras la ĉefpalaco, loĝejo de reĝo Gezo: lin impresas bildara kroniko, homaj kaj bestfiguroj, en dimensio laŭesta, ĉizitaj sur la ligno, kupraj aŭ bronze muaraj, purformaj reliefoj pri l'historio popola. Utnoa plu raviĝas per maskvizaĝoj ebonaj, tamburoj, ringoj, dancoj; kaj nun rakontan eposon li aŭdas, kiun tra jarcentoj nur buŝe la bardoj recitos, dum foiroj, por placanaro korlule.[1] ”

Notoj