| Raesfeld | |||||||
| |||||||
 | |||||||
| neurba komunumo de Germanio | |||||||
|---|---|---|---|---|---|---|---|
| Administrado | |||||||
| Federacia lando | Nordrejn-Vestfalio | ||||||
| Distriktaro | distriktaro Monastero | ||||||
| Distrikto | distrikto Borken | ||||||
| Urborajtoj | – | ||||||
| Telefona antaŭkodo | 0 28 65 | ||||||
| Poŝtkodo | 46348 | ||||||
| Aŭtomobila kodo | BOR | ||||||
| Oficiala Municipokodo | 05554040 | ||||||
| Subdivido | 10 komunumopartoj (Ortsteile) | ||||||
| Politiko | |||||||
| Komunumestro | Udo Rößing | ||||||
| Partio de komunumestro | CDU | ||||||
| Adreso de la administrejo | Weseler Str. 19 | ||||||
| Demografio | |||||||
| Loĝantaro | 11832 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 51° 46′ N, 6° 50′ O (mapo)51.7666666666676.8333333333333Koordinatoj: 51° 46′ N, 6° 50′ O (mapo) | ||||||
| Alto super la marnivelo | 59 m | ||||||
| Areo | 57,81 km² | ||||||
| Oficiala retejo | http://www.gemeinde-raesfeld.de | ||||||
La komunumo Raesfeld [ˈraːsˌfɛlt] estas komunumo en Germanio. Ĝi situas en la okcidenta Monastera lando en la nordokcidento de la federacia lando Nordrejn-Vestfalio kaj estas komunumo apartena al la distrikto Borken en la distriktaro Monastero. La teritorio apartenas al la naturparko Hohe Mark-Okcidenta Monastera Lando.
Geografio
Geografia Situo
Raesfeld situas en la sudokcidento de la Monastera lando en la Naturparko Hohe Mark. Sur la norda komunuma teritorio fontas la Issel.
Komunuma teritorio
La nuna komunumo Raesfeld ekestis en la jaroj 1969-1975 el la antaŭe memstaraj komunumoj Raesfeld, Erle, Homer kaj la norda parto de Overbeck. krome ekzistas la lokoj Freiheit, Winkelschulte, Westrich, Homer, Brink, Möllmann, Femeiche, Östrich kaj Löchte
Najbarkomunumoj
Tujaj najbarurboj de Raesfeld estas Rhede, Borken kaj Heiden en la distrikto Borken, Dorsten en la distrikto Recklinghausen samkiel Schermbeck kaj Hamminkeln en la distrikto Wesel.
Historio
En 889 Raesfeld estis unuafoje dokumentita kiel „Hrothusfeld" en la urbario de la monaĥejo Werden.
Ĉ. 1117 oni konstruis norde de la vilaĝeto ene de nealirebla marĉotereno turmonteta kastelo nome kastelo Kretier. La unua konata kastelestro estis ĉ. 1170 Rabodo von dem Berge. Li verŝajne estis ankaŭ la fondinto de la preĝejo de Raesfeld, ĉirkaŭ kiu ekestis la hodiaŭa vilaĝo. Tuj post la vendado de la kastelo al la kavaliro Ritter Symon von Gemen en 1259 ĝi forbrulis. Anstataŭe Symon konstruis surloke de la hodiaŭa kastelo novan kastelon kaj post sin nomis Symon de Rasveld.
Sekve de la Monastera Monaĥeja Malpaco somere 1458 landskneĥtoj de la urbo Bocholt sturmis la vilaĝon kaj forbrulis la preĝejan turon. Per indulgencleteroj oni financis la rekonstruon ĝis 1515. En la jaro 1560 plua brulego detruis grandan partojn de la vilaĝo.
La kastelo transiĝis fine de la 16-a jarcento al la regantoj de Velen. [Aleksandro la 2-a de Velen, la vestfalia Wallenstein, atingis dum laTridekjara Milito altan famon kaj finkonstruis la malnovan kastelon ekde 1643 ĝis 1658 en rezidejan kastelon frubarokan . La vilaĝo tamen suferis dum la Tridekjara Milito samkiel ankaŭ cent jarojn post dum la Sepjara Milito plurfoje pro okupado, elrabado kaj enloĝigoj de soldatoj de diversaj partioj.
La 26-an de novembro 2005 en Raesfeld oni proklamis katastrofalarmon. Pro fortega neĝado antaŭan tagon kun novneĝonivelo de 30 ĝis 50 cm multaj elektropilonoj kolapsis. Krome multnombraj linioj por alta tensio disŝiriĝis, ĉar ili ne eltenis la pezon de la ĉirkaŭa glaciblendaĵo kaj la fortan ventegon. En la centro de Raesfeld tiel mankis elektro dum ĉ. kvin horoj.
En aprilo kaj majo 2006 en Raesfeld furiozis la klasika porkopesto. Tri infektadoj ene de ĉ. 40 tagoj kaŭzis, ke ĉiuj porkoj ene de la kvarantenozono devis esti mortigitaj. Eŭropa Unio dekretis totalan malpermeson de bestotransportoj ene de Nordrejn-Vestfalio.
Enkomunumigoj
La hodiaŭa komunumo Raesfeld estiĝis el pluraj enkomunumigoj. Je la 1-a de julio 1969 ĝi enkomunumigis la antaŭe memstaran komunumon Homer. Je la 1-a de januaro 1975 oni kunigis la antaŭe memstaran komunumon Erle kaj nordan parton de la antaŭe memstaraj komunumo Overbeck kun Raesfeld.[1]
Loĝantoevoluo
| Jaro | Loĝantoj[2] |
|---|---|
| 1816 | 1616 |
| 1817 | 1634 |
| 1819 | 1665 |
| 1820 | 1566 |
| 1821 | 1560 |
| 1822 | 1557 |
| 1825 | 1602 |
| 1828 | 1631 |
| 1831 | 1709 |
| 1834 | 1754 |
| 1837 | 1752 |
| 1840 | 1811 |
| 1843 | 1820 |
| 1846 | 1801 |
| 1849 | 1744 |
| 1852 | 1787 |
| 1855 | 1781 |
| 1858 | 1757 |
| 1861 | 1769 |
| Jaro | Loĝantoj[3] |
|---|---|
| 14-a de septembro 1950 | 4.939 |
| 6-a de junio 1961 | 5.365 |
| 27-a de majo 1970 | 6.097 |
| 31-a de decembro 1974 | 6.641 |
| 31-a de decembro 1979 | 7.471 |
| 31-a de decembro 1984 | 8.368 |
| 31-a de decembro 1989 | 9.675 |
| 31-a de decembro 1994 | 10.337 |
| 31-a de decembro 1999 | 10.945 |
| 31-a de decembro 2004 | 11.326 |
| 31-a de decembro 2005 | 11.280 |
Politiko
komunuma konsilantaro
Post l komunumbalotoj de 2004 kun partopreno de 68,2% rezultiĝas jena seĝodisdono en la komunuma konsilantaro de Raesfeld:
Partnerkomunumoj
La plej longdaŭra partnereco ekzistas kun la nederlanda loko Wehl, kiu apartenas al la komunumo Doetinchem, krome ekde 1990 ekzistas partnereco kun la meklenburga urbo Dömitz kaj ekde 2005 plua partnereco kun la pola komunumo Kobierzyce en distrikto vroclava.
Blazono
Jen la heraldika priskribo de la blazono de la komunumo Raesfeld: „Dividite per ruĝa kaj flava, antaŭe flava turo, malantaŭe du fostece starigitaj sciuroj".[4] La turo sur la blazono reiras al la marka turo de la kastelo. La koloroj kaj la sciuroj originas el la blazono de Erle, kiu reiris al la blazono de la nobelfamilio Ichorne el la 13-a ĝis 15-a jarcento. Antaŭ la enkomunumigo de la komunumo Erle la blazono de la komunumo Raesfeld estis dividita de blu kaj flava, antaŭe la turo kaj malantaŭe tri ruĝaj merletoj. La merletoj originis el la blazono de la nobelarfamilio de Velen.[5][6]
Esperanto en la proksimeco
- Monastero: Esperanto-Societo Monastera. kaj GEFA kunvenas ĉiuĵaŭde ekde la 18-a en la kulturĉambro de la BSW, Berliner Platz 29 (stacidomo)
- Essen: Esperanto-Grupo Essen kunsidas ĉiun 2-an ĵaŭdon monate je la 19.30-a en Kulturdomo Grend, Westfalenstr. 311, 45276 Essen-Steele. La grupo flegas kontaktojn al partnergrupoj en Helmond kaj Eindhoven, ambaŭ Nederlando. Krome ĝi kune kunlaboras kun ReVELo kaj preparas la GEK 2008
Kontakto: Ludger Schméink (Ludgero Ŝmeink) (paĝo en la retpaĝaro de EsperantoLand Arkivigite je 2010-07-17 per la retarkivo Wayback Machine
Kulturo kaj vidindaĵoj
Plej konata vidindaĵo estas la akvokastelo Raesfeld kun la kastelkapelo St. Sebastian. En la vilaĝa Schlossfreiheit (setlejo tuj najbare kun la kastelo) krome troviĝas muzeo pri loka historio de la Dua Mondmilito en Raesfeld. La lima bestĝardeno apartenas al la malmultaj konservitaj el la renesancepoko. La moderna vizitanta kaj informa centro montras aldone la natur- kaj kulturhistorian permanentekspozicion Auftritt einer Kulturlandschaft – Renaissance-Tiergarten Raesfeld. [Surscenejiĝo de kulturpejzaĝo – renesanco-bestĝardeno Raesfeld] La bestĝardeno estas enligita den la European Garden Heritage Network.
En la komunumparto Erle staras unu el la plej maljunaj kverkoj de Germanio: la supozeble pli ol mil jaroj aĝa proskribokverko. Sude de la vilaĝo Erle staras monumentprotektata ventmuelejo el la jaro Jahr 1848.
Regulaj aranĝoj
- Historia Kappesmarkt
- Adventfoiro en la kastelkortego
- Granda kamparanfoiro sur la bieno Süthold la 2-an dimanĉon en junio
- Bierĝardena festo sur la urbodoma placo
- Junggesellen-Schützenfest [fraŭla milicifesto]
- Allgemeines Schützenfest [ĝenerala milicifesto]
- Benefickoncertoj en la junulardomo
Ekonomio kaj infrastrukturo
Trafiko
La naciaj ŝoseoj B 224 (Raesfeld - Dorsten - Asindo - Wuppertal) kaj B 70 (Wesel - Raesfeld - Borken - Metelen - Rheine) kondukas al la proksimaj ĉefŝoseoj A 31 kaj A 3.
La publikan persontrafiko je mallonga distanco plejparte estas provizata de la aŭtobusa entrepreno Westfalen Bus GmbH kadre de la Trafikligo Monasterlando samkiel per buslinioj de la Vestische Straßenbahn kadre de la Trafikligo Rejno-Ruhr. La plej proksimaj fervojstacioj troviĝas en Borken, Dorsten kaj Wesel.
Literaturo
- Adalbert Friedrich: Rund um den alten Kirchturm. Ein Lesebuch über Raesfeld und seine Kirchengemeinde in 15 Kapiteln. Katholische Pfarrgemeinde St. Martin, Raesfeld 1985
- Adalbert Friedrich: Schloß Raesfeld – von der Ritterburg zum Handwerkerschloß. Verkehrsverein Raesfeld e. V., Raesfeld 1990
- Ingrid Sönnert: Von Bauersleuten, Spinnerinnen und Handwerkern. Die Bevölkerung von Raesfeld, Erle und Homer 1498-1806. Raesfeld 1994. ISBN 3-9804028-0-0
- Ingrid Sönnert: Damals … Menschen und Geschichte(n) aus Raesfeld, Erle und Homer. Raesfeld 1997. 3-9804028-1-9
Notoj kaj referencoj
- ↑ Gemeinde Raesfeld: Hauptsatzung. §1 Gemeinde und Gemeindegebiet. (PDF, 20 kB)
- ↑ Ingrid Sönnert: Von Bauersleuten Spinnerinnen und Handwerkern. Die Bevölkerung von Raesfeld, Erle und Homer 1498-1806. Raesfeld 1994. S. 187
- ↑ Gemeinde Raesfeld / www.gemeinde-raesfeld.de. Arkivita el la originalo je 2007-09-27. Alirita 2007-04-14.
- ↑ Gemeinde Raesfeld: Hauptsatzung. §2 Wappen, Siegel und Flagge. (PDF, 20 kB)
- ↑ Kreis Borken / www.kreis-borken.de : Wappen der Städte und Gemeinden im Kreis Borken und ihre Entstehungsgeschichten
- ↑ Ralf Hartemink / www.ngw.nl : Raesfeld
Eksteraj ligiloj
- www.gemeinde-raesfeld.de - offizielle Homepage
- http://www.gemeinde-raesfeld.de/galerie/galerie.php?menuid=280&topmenu=9 Arkivigite je 2007-09-27 per la retarkivo Wayback Machine - Galerie zu Raesfeld
- www.raesfeld-homer.de Arkivigite je 2007-09-29 per la retarkivo Wayback Machine - Seite des Gemeindeteils Homer