Radioamatora konkurso estas konkurso inter radioamatoroj pri ilia scipovo efike komuniki kun multaj diversaj aliaj radioamatoraj stacioj. La partoprenanto devas pruvi la kvaliton de sia stacio kaj de sia ebleco komuniki ankaŭ dum malfacilaj kondiĉoj.
Konkursoj estas organizitaj de radioamatoraj kluboj aŭ asocioj. Por ĉiu konkurso estas fiksitaj specialaj reguloj. Ekzemple, kiuj moduladspecoj estu uzataj, kiom da poentoj validas kontaktoj, kiel la tuta rezulto estu kalkulata ktp. Kutime la radioamatoro operadas sian hejman stacion. Por atingi optimalajn rezultojn li laŭeble perfektigas sian stacion kaj antenon.
Ekzistas specialaj konkursoj por porteblaj stacioj aŭ por mobilaj stacioj. Aliaj favoras aktivecon de altaj montoj.
Dum la konkurso oni notas ĉiujn atingitajn kontaktojn en specialan ĵurnalon, nomata taglibro. La taglibro estu sendata al la organizanto.
Ĝenerale ju pli multajn komunikojn iu faris des pli poentojn ĝi ricevos, tial dum konkursoj oni strebas komuniki kiel eble plej rapide. Ĝenerale ekzistas multobligiloj, ekzemple la nombro de atingitaj landoj laŭ DXCC-listo. Do, se 20 landoj estis atingitaj, tiam la nombro de kontaktoj estas multobligita per 20.
Per sia subskribo la operatoro devas konfirmi, ke li obeis korekte ĉiujn regulojn de la konkurso kaj ankaŭ la leĝojn.
Historio de konkursoj
La konkursado komencis post 1920 kiam radioamatoroj malkovris la eblecojn de la mallongaj ondoj kaj organizis testojn. Post la unuaj sukcesoj kun kontaktoj inter Eŭropo kaj Ameriko dum 1923 [1] tiuj testoj daŭre okazis ĉiujare. Pli kaj pli da stacioj partoprenis kaj atingis pli longajn distancojn. En 1928 okazis la "internacia relajsa festo".[2] Ĝi estis organizita per la ARRL, Amerika Relajsa Radio Ligo.[3] En 1936 la nomo de la konkurso estis ŝanĝita al ARRL International DX Contest. Ĝi okazas ĉiujare ĝis nun.
Konkurso en Esperanto
Pli detalaj informoj troveblas en artikolo Esperanto-konkurso (radioamatora).La organizo de esperantistaj radioamatoroj, ILERA, ĉiujare organizas la Esperanto-konkurson. Ĝi okazas je ĉiuj radio-amatoraj bendoj plus eĥolink. La dato estas la tria sabato de novembro plus sekvanta dimanĉo. En 2021 la dato estas 2021-11-20 + 21 Plenajn regulojn vi trovas en la ILERA-Yahoo-grupo
- Arkivigite je 2012-11-08 per la retarkivo Wayback Machine
La unua Esperanto-konkurso okazis en 1977. Ĝi estis organizita de Hans, DJ4PG. Poste Wolf, DL1CC zorgis pri la konkurso. Ekde 2016 denove DJ4PG zorgas pri ĝi.
La konkurso donas multe pli bonan ŝancon ol normalaj tagoj, atingi Esperanto-staciojn. Se oni partoprenas dum kelkaj horoj, oni povas dum unu semajnfino atingi la necesajn kontaktojn por la unua grado de la Esperanto-diplomo. Dum la dua duono de la konkurso intensa babilado estas rekomendata. Ni uzu la okazon praktiki nian lingvon!
Por atingi multajn Esperanto-staciojn, rekomendinde estas, enŝalti Eĥolink por tie ricevi informojn, je kiuj frekvencoj aktivas samideanoj.
Ankaŭ en la "DX-cluster" vi eble trovos informojn.
Por pliaj informoj vidu la artikolon Esperanto-konkurso (radioamatora)
Softvaro por taglibroj
Ekzistas nun softvaroj por taglibroj, speciale por konkursoj. Tiuj plifaciligas la laboron kaj por la konkursanto kaj por la personoj kiuj devas kontroli la rezultojn. Sendado de la taglibro per la interreto ankaŭ malpliigas la kostojn.
Detalojn pri konkursa softvaro vi trovas en la angla versio de ĉi tiu artikolo, je "see also".
Senpagaj
komercaj
postkonkursaj programoj (analizo kaj formatigo)
Referencoj
Eksteraj ligiloj
- Konkursa kalendaro de la DARC, Deutscher Amateur-Radio-Club|Deutschen Amateur Radio Club, germana klubo de radioamatoroj
- Internacia konkursa kalendaro angle
- Google-grupo de ILERA
- konkursaj programoj listo ĉe DXZone.com
- konkursaj programoj listo ĉe eham.net