Paradante en la Fireca parado

La Radical Faeries (esperante Radikalaj Feinoj) estas loze socia tutmonda reto kaj kontraŭkultura movado serĉanta redifini kviran konscion tra laika spiritualeco. Iam konsiderata kiel formo de moderna paganismo, la movado ankaŭ adoptas elementojn de anarkiismo kaj ekologiismo.

La kromnomo "feinoj" estas malestima kromnomo por gejoj en la angla; Por distingi ilin de la mitaj estaĵoj, la vorto estas skribita "Faerie" en antikva angla literumo.

Malakceptante alisekseman identigon, la movado Radical Faeries komenciĝis dum seksa revolucio de la 1970-aj jaroj inter gejaj viroj en Usono. La movado disetendiĝis kun la pli granda movado de gejaj rajtoj, defiante konsumismajn kaj patriarkecajn aspektojn de la vivo de GLAT-anoj dum festante eklektikajn konstruojn kaj ritojn. Kritikoj emas esti furioze sendependaj, kontraŭsistemaj kaj komunumaj. Kiel unu feino siatempe rimarkis, laŭ lia opinio, samseksema kulturo estas ĉefe "subprema parodio de aliseksema kulturo", okazanta ĉefe en gejaj trinkejoj kaj ne instigante homojn "formi ligojn aŭ prizorgi unu la alian". Kontraste, la Feinoj "instigadas formi profundan kaj zorgeman kontakton unu kun la alia kaj vivas sian vivon kaj seksecon en maniero kiu estas tre ligita al la naturo." [1]

Ĝi estis fondita en Kalifornio en 1979 de gejaj aktivuloj Harry Hay, Mitch Walker, John Burnside, kaj Don Kilhefner, kiuj volis krei alternativon al tio, kion ili konsideris kiel la asimilado de la ĉefaj usonaj gejaj komunumoj. Influite de la heredaĵo de la kontraŭkulturo de la 1960-aj jaroj, ili okazigis la unuan Spiritualan Konferencon por Radikalaj Feinoj en Arizono en septembro de 1979. De tie diversaj regionaj rondoj formiĝis, kaj aliaj grandaj kamparaj kunsidoj organiziĝis. Kvankam Walker kaj Kilhefner rompis la rilatojn en 1980, la movado daŭre kreskis, ekspansiiĝis al internacia reto baldaŭ post la dua kunveno en 1980.

Kvankam je ĝia komenco de radikalaj feinoj estis fondita eksklusive de viroj por viroj, tamen la grupo estas dividita pri la ebleco kunigi lesbaninajn kaj transgenrulojn, pro timo, ke komunaj renkontoj damaĝos la specialan kaj intiman naturon de la viraj renkontoj, kio damaĝos la sekuran spacon de partoprenantoj.

Hodiaŭ, radikalaj feinoj inkluzivas diversajn seksojn, seksajn orientiĝojn kaj identecojn. Multaj konferencoj kaj renkontiĝoj estas malfermitaj al ĉiuj, dum kelkaj estas nur por viroj. Multaj renkontoj okazas en la naturo, kiel parto de memesprimo, aspiro al spiriteco kaj proksimeco al naturo kaj daŭripovo. Foje okazas renkontiĝoj, kiuj ankaŭ estas malfermitaj al scivolema kaj interesita publiko.

Referencoj

  1. ↑ Adler, Margot, Drawing Down the Moon: Witches, Druids, Goddess-Worshipers and Other Pagans in America, London: Penguin, 2006, ISBN 0-14-303819-2

Vidu ankaŭ

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.