| Rüsselsheim | |||||||
| |||||||
 situo de la komunumo en la distrikto | |||||||
|---|---|---|---|---|---|---|---|
| city with special status • urba komunumo de Germanio | |||||||
| |||||||
| Administrado | |||||||
| Federacia lando | Hesio | ||||||
| Distriktaro | Distriktaro Darmstadt | ||||||
| Distrikto | Distrikto Groß-Gerau | ||||||
| Urborajtoj | Urbo (Stadt) | ||||||
| Telefona antaŭkodo | 06142 | ||||||
| Poŝtkodo | 65428 | ||||||
| Aŭtomobila kodo | GG | ||||||
| Oficiala Municipokodo | 06433012 | ||||||
| Politiko | |||||||
| Komunumestro | Patrick Burghardt | ||||||
| Adreso de la administrejo | Marktplatz 4 65428 Rüsselsheim | ||||||
| Demografio | |||||||
| Loĝantaro | 67277 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 50° 0′ N, 8° 25′ O (mapo)49.9958.4119444444444Koordinatoj: 50° 0′ N, 8° 25′ O (mapo) | ||||||
| Alto super la marnivelo | 88 m | ||||||
| Areo | 58,3 km² | ||||||
| Oficiala retejo | http://www.ruesselsheim.de | ||||||
Rüsselsheim estas germana urbo en la sudo de la federacia lando Hesio. Ĝi estas la plej granda urbo de la distrikto Groß-Gerau, havante specialan urban statuson, kaj apartenas al la administra distriktaro Darmstadt. Rüsselsheim fine de la jaro 2022 havis 67 277 loĝantojn, apartenas al la ekonomia regiono Rhein-Main ĉirkaŭ la metropolo Frankfurto ĉe Majno, kaj internacie konatas precipe pro la sidejo de la aŭtomobila konzerno Opel, parto de la usona General Motors.
Geografio
La urbo situas borde de la rivero Majno (rivero), nur malmultajn kilometrojn antaŭ ties enfluo en la Rejnon ĉe urbo Mainz. La urbo Frankfurto ĉe Majno troviĝas malpli ol 20 kilometrojn oriente, la urboj Mainz kaj Wiesbaden malpli ol 10 kilometrojn okcidente.
Urbopartnerecoj
Rüsselsheim havas ĝemelecojn kun jenaj urboj:
Esperanto en Rüsselsheim
La "Esperanto-Grupo Verda Stelo" fondiĝis en Rüsselsheim komence de junio 1925. En 1927 aliĝis al ĝi Alfred Schmidt, kiu fariĝis post la Dua Mondmilito unua urba konsilisto, t.e. anstataŭa urbestro, kaj agadis por Esperanto ĝis sia korinfarkto dum la Germana Esperanto-Kongreso 1975.
Inter la 27-a de decembro 1962 kaj la 3-a de januaro 1963 la 6-a Internacia Seminario de Germana Esperanto-Junularo okazis en Rüsselsheim kaj pritraktis la temon "Ĉu naciismon sekvos internaciismo?".
La urba Esperanto-grupo mortis fine de la 1990-aj jaroj, kaj en 2007 la urba biblioteko de Rüsselsheim donacis siajn preskaŭ 200 Esperanto-librojn pro manko de spaco kaj de lokaj interesatoj al la Esperanto-Grupo Wiesbaden.
En la urboparto Friedrich-Ebert-Siedlung estas strato nomata "Zamenhofstraße", apud kiu situas samnoma infanvartejo, kiu estas unu el la plej tradiciaj porinfanaj institucioj de la urbo kaj en siaj publikaĵoj atentigas pri sia nomigo laŭ la kreinto de Esperanto.
Eksteraj ligiloj
- paĝoj de la urbo, germanlingvaj
- paĝoj pri la Esperanto-Rondo de Frankfurto kaj la Regiono Rhein-Main Arkivigite je 2006-06-17 per la retarkivo Wayback Machine
| ||||||
