Afrotropisaj papagoj

Kiel legi la taksonomion

Afrotropisaj papagoj

Konga papago (Poicephalus gulielmi) kiel dombirdo

Biologia klasado

Regno:	Animalia
Filumo:	Chordata
Klaso:	Aves
Ordo:	Psittaciformes
Familio:	Psittacidae
Subfamilio:	Psittacinae Rafinesque, 1815

Genroj

Bavaripsitta †
Psittacus
Poicephalus

Aliaj Vikimediaj projektoj

Afrotropisaj papagoj (Psittacinae) aŭ papagoj de Malnova mondo estas subfamilio de veraj papagoj el familio Psittacidae aŭ Papagedoj. Ĝi enhavas 11 speciojn de papagoj en du genroj, inter aliaj tre popularan kaj konatan grizan papagon. Afrotropisaj papagoj troveblas en Subsahara Afriko, sur Madagaskaro kaj apudaj insuloj kaj sur la Arabia duoninsulo.

La du genroj de afrotropisaj papagoj estas tre distingaj. Genro Poicephalus estas genro de mezgrandaj birdoj kun plejparte verdaj plumaroj kaj kapoj de diversaj koloroj; anoj de genro Psittacus estas rimarkeble pli grandaj kaj plejparte hele grizaj kun iomaj ruĝaj areoj ĉe vostoj kaj malsupraj partoj de plumaroj.

Afrotropisaj papagoj, aŭ almenaŭ la griza papago, estis konataj en Eŭropo ekde tempoj de la Romia Imperio.^[1]

Malsimile al la neotropisaj papagoj, la grupo de afrotropisaj papagoj estas polifiletika.^[2]

Taksonomio

La subfamilio Psittacinae de afrotropisaj papagoj kune kun subfamilio Arinae de neotropisaj papagoj formas familion Psittacidae, kiu estas unu el tri familioj en superfamilio de veraj papagoj. Ĉiuj vivantaj specioj en la familio apartenas al du genroj, Psittacus kaj Poicephalus. Ĉi-sube estas tabulo de la vivantaj specioj:

Bildo	Genro	Specio
	Psittacus Linnaeus, 1758	Psittacus erithacus, griza papago Psittacus timneh, Timneh-papago
	Poicephalus Swainson, 1837	Poicephalus robustus, Kaba papago Poicephalus fuscicollis, Brunakola papago Poicephalus fuscicollis fuscicollis (tipa subspecio) Poicephalus fuscicollis suahelicus, grizkapa brunakola papago (subspecio) Poicephalus gulielmi, Konga papago Poicephalus meyeri, Papago de Meyer Poicephalus rueppellii, Papago de Rüppell Poicephalus cryptoxanthus, brunakapa papago Poicephalus rufiventris, ruĝaventra papago Poicephalus senegalus, Senegala papago Poicephalus flavifrons, flavafrunta papago Poicephalus crassus, njamnjama papago

Krom tiuj ĉi du vivantaj genroj, al la familio ankaŭ apartenas antaŭhistoria formortinta genro Bavaripsitta. Ĝi estis monotipa genro kun unu specio Bavaripsitta ballmanni, konata laŭ fosilioj trovitaj en Nerdlingena Rieso en Bavario, Germanio.

Iam oni ankaŭ inkludis genron Coracopsis (vaza-papagoj) en la subfamilio de afrotropisaj papagoj, sed pli novaj molekulaj esploroj montris ke ĝi apartenas al entute alia familio Psittrichasiidae, kie ili formas sian propran subfamilion Coracopseinae.

Referencoj

↑ Boehrer, Bruce. (2010) Parrot Culture: Our 2500-Year-Long Fascination with the World's Most Talkative Bird. U. Penn. Press. ISBN 978-0-8122-3793-1.
↑ (Mar 2010) “The evolutionary diversification of parrots supports a taxon pulse model with multiple trans-oceanic dispersal events and local radiations.”, Mol Phylogenet Evol 54 (3), p. 984–94. doi:10.1016/j.ympev.2009.08.021.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Boehrer, Bruce. (2010) Parrot Culture: Our 2500-Year-Long Fascination with the World's Most Talkative Bird. U. Penn. Press. ISBN 978-0-8122-3793-1.

[2] (Mar 2010) “The evolutionary diversification of parrots supports a taxon pulse model with multiple trans-oceanic dispersal events and local radiations.”, Mol Phylogenet Evol 54 (3), p. 984–94. doi:10.1016/j.ympev.2009.08.021.

[1]

[2]