Kiel legi la taksonomion Psitakosaŭro
Troveblo de fosilioj: Frua kretaceo
spekultativa ilustraĵo
Biologia klasado
Regno: Animaloj Animalia Filumo: Ĥorduloj Chordata Klaso: Reptilioj Sauropsida Superordo: Dinosaŭroj Dinosauria Ordo: Ornitiskioj Ornithischia Subordo: Cerapoda Infraordo: Ceratopoj Ceratopsia Familio: Psitakosaŭredoj Psittacosauridae Genro: Psitakosaŭro Psittacosaurus Osborn, 1923
Specioj
P. mongoliensis (tipo) Osborn, 1923 P. sinensis Young, 1958 P. meileyingensis Sereno k.a., 1988 P. xinjiangensis Sereno & Zhao, 1988 ?P. sattayaraki Buffetaut k Suteethorn, 1992 P. neimongoliensis Russell k Zhao, 1996 P. ordosensis Russell k Zhao, 1996 P. mazongshanensis Xu, 1997 ?P. sibiricus Voronkevich, 1998 P. lujiatunensis Zhou k.a., 2006
Sinonimoj
Protiguanodon Osborn, 1923 Luanpingosaurus Cheng vide Chen, 1996[1]
Aliaj Vikimediaj projektoj

Psitakosaŭro (Psittacosaurus; malnovagreka: "papaga lacerto") estas genro de psitakosaŭreda ceratopa dinosaŭro vivinta dum la frua kretaceo en regiono nun parto de Azio, antaŭ 130 ĝis 100 milionoj da jaroj. Ĝi estas aparte grava kiel la plej specio-riĉa dinosaŭra genro: oni trovis almenaŭ ok formortintajn speciojn el fosilioj trovitaj en diversaj regionoj de Ĉinio kaj Mongolio, kaj eble aldonajn speciojn de Tajlando kaj Rusio.

Ĉiuj psitakosaŭraj specioj estis du-piedaj herbovoruloj de la grandeco de gazelo; ili ĉiuj havis altan, potencan bekon sur la supra makzelo. Psitakosaŭroj estis tre fruaj ceratopoj kaj, kvankam ili evoluigis iujn trajtoj nur siaj, ili ankaŭ dividis multajn anatonomiajn trajtojn kun postaj ceratopoj kiel protoceratopo (Protoceratops) kaj triceratopo (Triceratops).

Psitakosaŭro ne estas tiel fama kiel ĝia prakuzo la triceratopo sed ĝi estas unu el la plej plene konata el la dinosaŭroj genroj. Oni kolektis fosiliojn de jam pli ol 150 unuopaj psitakosaŭroj, inter ili multajn plenajn skeletojn. Inter ili reprezentiĝas plej diversaj aĝoklasoj, de ĵus elkoviĝintoj ĝis plenkreskuloj, kio permesis plurajn detalajn studojn de la kreskorapideco kaj reprodukta biologio de la psitakosaŭroj.

Notoj kaj referencoj