 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 Principea lamprotorno | ||||||||||||||
| Biologia klasado | ||||||||||||||
| ||||||||||||||
| Lamprotornis ornatus (Daudin, 1800) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj | ||||||||||||||
.jpg.webp)
La Principea lamprotorno aŭ Principea brilsturno (Lamprotornis ornatus) estas specio de sturno de la familio de Sturnedoj kaj genro de Lamprotornis aŭ Brilsturnoj, kiuj estas afrikaj bluecaj birdoj kun metalecaj briloj.
Ĝi estas endemia en la insulo Principeo en la atlantika insulara ŝtateto Santomeo kaj Princo. Ties natura habitato estas subtropikaj aŭ tropikaj humidaj arbaroj de malaltaj teroj.
Tiu sturno ŝajnas nigreca sub mallumo sed montras brilajn kolorojn sub bona lumo: krono kaj nuko estas verdecaj, dum la dorso aperas bronzkolora kun purpuraj briloj; la vizaĝo estas nigreca, kiel ĉe aliaj lamprotornoj, kie kontrastas kaj rimarkindas la blankaj irisoj. Sub la bronzkolora dorso la pugo ŝajnas purpura kaj la vosto bronzverdeca kun brilblua pinto. La subaj partoj estas pli malhelaj. Demalproksime ne facilas identigi la specion, ĉar ĝi kunhavas arojn kun la samgenra Splenda lamprotorno, kaj ambaŭ aspektas nigrecaj kaj brilaj demalproksime.
Ili okupas ĉiaspecajn arbarojn, nome praarbarojn, malfermajn duarangajn arbarojn, kakaoarbarojn, disajn arbojn ĉe kafoplantejoj, ktp. Ili kunvivas kun la Splenda lamprotorno, kaj ambaŭ specioj kunmanĝas insektojn, nome raŭpojn, termitojn, fruktojn, figojn kaj aliajn.
Referencoj
- BirdLife International 2004. Lamprotornis ornatus. 2006 IUCN Ruĝa Listo de Minacataj Specioj. Konsultita la 24an de julio 2007.
| ||||||||||||||||||