| Preĝejo de Sanktaj Petro kaj Paŭlo | |
|---|---|
| katolika preĝejo | |
| Loko | |
| Ŝtato | Hungario |
| Municipo | Páka |
| Bazaj informoj | |
| Religio | kristanismo |
| Rito | romkatolika eklezio |
| provinco | Zala |
| diocezo | Szombathely |
| dekanujo | Lenti |
| Arkitektura priskribo | |
| Konstrustilo | baroko |
| Konstruado | |
| Specifo | |
| Konstrumaterialo | masonita |
| Ligiloj | |
Preĝejo Sankta Petro kaj Sankta Paŭlo estas romkatolika historia monumento en Hungario, en vilaĝo Páka.
Historio
La unua mencio pri kirko Sankta Georgo en Páka okazis en la 12-a jarcento. Post 2 jarcentoj jam preĝejo el ŝtonoj konstruiĝis, ĝi supozeble ruiniĝis dum la kontraŭturkaj bataladoj. En 1722 oni konstruis pli novan konstruaĵon, sed ono profitis ankaŭ la restintajn murojn. La novaj patronoj estis Sanktaj Petro kaj Paŭlo. La turo estis konstruita en 1744, la sakristio kaj sanktejo en 1766. En 1955 la preĝejo renoviĝis. La orgeno estas aŭdebla ekde 1777, ĝi estis trakonstruita en 1896.
Konstruaĵo
La preĝejo situas sola sur malalta monteto. Apude statuo pri sankta Triunuo estas videbla (farita en 1790). La fasado estas simetria, meze la turo reliefas. Malsupre meze enirejo funkcias, sed alia enirejo troviĝas en flanko de la navo. Ankaŭ sakristio kun aparta enirejo kaj kapelo aliĝas al la navo. Sub la sanktejo kripto etendiĝas. La absido estas plurlatera. Interne la freskoj estis pentritaj en 1773 fare de Johann Ignaz Cimbal, denove en 1912, restaŭrado okazis en 1955 kaj 1993.
Interno
La ĉefaltara bildo prezentas la menciitajn sanktulojn, apude estas videblaj Marteno de Tours, Sankta Laŭrenco, Sankta Kvirino, Stefano la 1-a (Hungario) kaj Ladislao la 1-a (Hungario). En plafono de la altaro estas videblaj diversaj freskoj pri sanktuloj. La maldekstra flanka altaro estas dediĉita al Sankta Maria, la dekstra al Sankta Jozefo.