| Kirko Sankta Mikaelo | |
|---|---|
Kirko Sankta Mikaelo en Cluj | |
| katolika preĝejo | |
| Loko | |
| Ŝtato | Rumanio |
| Municipo | Cluj |
| Bazaj informoj | |
| Religio | kristanismo |
| diocezo | Alba Iulia |
| Statuso | paroĥa kirko |
| Arkitektura priskribo | |
| Konstrustilo | gotiko |
| Konstruado | |
| Specifo | |
| Longo | 50 m (navo), 20 m (sanktejo) |
| Larĝo | 24 m (navo), 10 m (sanktejo) |
| Alto | 76 m (turo) + kruco 4 m |
| Ligiloj | |
La kirko Sankta Mikaelo estas romkatolika Monumento historia en Rumanio, en Transilvanio, en Cluj, en la ĉefplaco.
Historio
La unua kirko funkciis en tiam hungara komunumo Kolozsvár jam en la 13-a jarcento. En la sekva jarcento jam kirko Sankta Mikaelo konstruiĝis. En 1349 laŭ dokumento la kirko ricevis permeson pri establo de la interna parto. En 1489 incendio okazis, kiun la rekonstruo sekvis. La turo estis konstruita supozeble inter 1511–1545, sed pro alia incendio en 1697 ĝi detruiĝis, pli nova turo konstruiĝis en la 1740-aj jaroj. Fulmo trafis ĝin en 1763, la nun videbla turo estis konstruita inter 1837-1859.
Ekde 1545 la protestantoj havis la konstruaĵon. Soldatoj trude reakiris ĝin en 1716, sed interne la katolikaĵoj jam mankis. La nova baroka altaro kreiĝis en 1725. En 1919 komenciĝis dominado de la rumanoj, sed ili estas ortodoksoj, do ili ne uzis la preĝejon, nur la restintaj hungaroj. En 1956 plena renovigo okazis.
La orgeno estis farita en 1728 aŭ 1763, ĝi estis trakonstruita en 1990.
Historiaj okazintaĵoj
En la kirko preskaŭ 50 landkunvenoj de hungaroj okazis. En 1551 la hungara krono estis ceremonie aldonita. Baldaŭe dukoj de Transilvanio tie oficiale dukiĝis, ekzemple Gabrielo Báthori, Gabrielo Bethlen. En 1944 episkopo Áron Márton tie protestis kontraŭ la holokaŭsto.
Konstruaĵo
La konstruaĵo situas sola (ne en la mezo de la placo) kaj ĝi havas unusolan turon kaj 3 navojn. Estas sekreto, ĉu la ĉefenirejo kial situas ne en la mezo de la fasado. Interne restis iom da freskoj mezepokaj. La pordo estas renesanca.