.JPG.webp)
La preĝejo de Sankta Kataldo estas katolika templo en la urbo Palermo, Sicilio (Italio). Ĝi situas en Placo Bellini, apud la Preĝejo Sankta Maria de la Admiralo. Starigita en la 12-a jarcento, ĝi estas parto de la ensemblo de Palermaj arab-normandaj konstruaĵoj en la listoj de la monda heredaĵo de Unesko.
La preĝejo estas sub la gvido de la Kavalira Ordeno de la Sankta Tombo en Jerusalemo. Nuntempe ĝi ne dediĉas sin al adorado kaj estas malfermita al la publiko nur kiel turisma allogaĵo.
Ĝia fondiĝo estas atribuita al Majon Bari, admiralo de la reĝo Vilhelmo la 1-a de Sicilio, kiel privata kapelo de la palaco, hodiaŭ ne plu ekzistanta. La konstruado de la preĝejo estas inter 1154 kaj 1160, jaro de la murdo de Majon Bari. Post lia morto, la templo estis konfidita al la benediktanaj monaĥoj de Monreale, kiuj konservis ĝin ĝis 1787.
Tra la jarcentoj la konstruaĵo suferis multajn transformojn kaj trairis diversajn uzojn, estante la sidejo de la poŝto, en la frua 19-a jarcento. En 1882 okazis profunda restarigo, direktita de Giuseppe Patricolo, kies kapelo estis la sola konservita elemento de la malnova palaco.
La 3-an de julio 2015 la "Palermaj arab-normandaj konstruaĵoj kaj katedraloj de Cefalú kaj Monrealo" estis listigita kiel Monda Heredaĵo de Unesko, estante Sankta Kataldo unu el naŭ unuopaj strukturoj de la deklaro (kun la kodo 1487-004).