| Port Hedland | |||
|---|---|---|---|
 | |||
| urbeto | |||
| Administrado | |||
| Poŝtkodo | 6721 | ||
| Demografio | |||
| Loĝantaro | 4 180 (2016) [+] | ||
| Loĝdenso | 56 loĝ./km² | ||
| Geografio | |||
| Geografia situo | 20° 19′ S, 118° 36′ O (mapo)-20.31118.60111111111Koordinatoj: 20° 19′ S, 118° 36′ O (mapo) [+] | ||
| Alto | 6 m [+] | ||
| Areo | 75,1 km² (7 510 ha) [+] | ||
| Horzono | UTC+08:00 [+] | ||
| |||
|
| |||
| Alia projekto | |||
 Vikimedia Komunejo Port Hedland, Western Australia [+] | |||
Port Hedland (Karijarre: Marapikurrinya) estas urbo en nordokcidenta Okcidenta Aŭstralio 1322 km norde de la subŝtata ĉefurbo Perto [1]. La urbo estas la plej granda urbo en la regiono Pilbara kun ĉ. 14,000 loĝantoj (inkluzive de la urbeto de South Hedland 18 km for) [2].
Port Hedland estas natura haveno kaj funkcias kiel eksporthaveno por fererco de la regiono. La haveno estas la plej granda haveno en Aŭstralio laŭ tunaro. Tradicie, brutaro kiel ekzemple ŝafoj kaj bovinoj estis gravaj industrioj en la areo.
Historio
Antaŭ la alveno de eŭropanoj, la regiono estis loĝita fare de homoj de la Kariyarra tribo, kiuj nomis la lokon Marapikurrinya, kio proksimume signifas "Pintra Mano" kaj rilatas al la konturo de la golfo.
En 1863, Peter Hedland, la kapitano de la Mistero, atingis la lokon kie la urbo poste estis fondita. La golfo, komence nomita Mangrove Harbour, estis renomita en lia honoro [3].
En 1866, geografiaj enketo estis farita surloke, kiu rilatis al la loko kie la haveno situas hodiaŭ en pesimisma maniero. En la 1890-aj jaroj, pliaj enketoj estis aranĝitaj kaj en 1895 ĝeto estis establita surloke [4][5]. En la fruaj 1960-aj jaroj, la fererca minindustrio formiĝis en la areo situanta 100 km oriente de Port Hedland. Fervojo estis konstruita al la haveno kaj laboroj estis aranĝitaj por profundigi kaj vastigi ĝin. En 1966, la eksportado de fererco komenciĝis. En la sekvaj jardekoj, pli da ferercejoj estis malkovritaj en la areo, la volumeno de eksportaĵoj pliiĝis kaj la haveno denove estis vastigita por permesi al grandaj ŝipoj albordiĝi tie.
En 1991, arestejo estis malfermita en Port Hedland por azilpetantoj kaj enfiltrintoj kiuj alvenis en Aŭstralio per boato. La loko de la instalaĵo estis elektita pro la fakto ke la urbo estantas en la centro de la areo kie la enfiltrintoj alteriĝis kaj pro la ekzisto de internacia flughaveno tra kiu la enfiltrintoj povas esti deportitaj al iliaj devenlandoj. En 2004, la instalaĵo estis fermita pro la malkresko en la nombro da enfiltrintoj kaj ĝi estis konvertita en loĝlokon por la enorma laborantaro dungita en la evoluanta minindustrio.
Klimato
La klimato de Port Hedland estas varma kaj escepte severa la tutan jaron. Temperaturoj atingas ekstremajn 36 °C en januaro kaj tre varmajn 27 °C en julio. Jara precipitaĵo (preskaŭ ekskluzive inter decembro kaj junio) alportas averaĝe 300 mm da pluvo, sed ĉi tiuj valoroj ŝanĝas de jaro al jaro pro neantaŭvideblaj ciklonoj. Por klarigi, en 1942 falis 1040 mm, dum en 1944 falis nur 28 mm, kaj dum pli ol 300 tagoj ne estis pluvo en la urbo.
Ekonomio
La urbo havas profundan naturan havenon kiu funkcias kiel la ĉefenirejo al la regiono por konteneroj kaj fuelo kaj kiel eksporthaveno por fererco elminita en de la regiono kie la urbo situas. La erco estas transportita per fervojo de kvar areoj de ferercejoj sude kaj oriente de la urbo.
La ĉefaj ekonomiaj sektoroj de la urbo estas tergaskampoj antaŭ la strandoj de la urbo, salproduktado, mangaa nminado kaj bredado . En la pasinteco la bredado de ŝafoj kaj bovoj estis la ĉefa ekonomia branĉo de la regiono, sed dum la jaroj malpliiĝis la volumeno. En la pasinteco, Port Hedland ankaŭ estis la finstacio de fervoja linio kiu servis la orminadan areon en la Marble Bar areo 150 km sudoriente de la urbo.
Turismo
Natura fenomeno, kiu okazas en tre specifaj tempoj, estas la tiel nomata Ŝtuparo al la Luno (de), kiu estas kaŭzita de specifa konstelacio de lunlumo kaj la tajdoj.
Transporto
Port Hedland havas flughavenon (IATA: PHE, ICAO: YPPD) kun hejmaj kaj internaciaj ligoj.
Port Hedland estas konektita al la longdistanca busreto; La grandurbo de Perto, proksimume 1,660 kilometrojn for per vojo, estas atingita plurajn fojojn semajne en proksimume 22 ĝis 26 horoj. La vojaĝdaŭro al Darwin estas proksimume 31 horoj.
Referencoj
- ↑ Australia: Urban Centers - Population Statistics, Maps, Charts, Weather and Web Information. Arkivita el la originalo je 3 December 2017. Alirita 6 May 2018.
- ↑ Port Hedland Port Authority. Arkivita el la originalo je 21 July 2005. Alirita 3 December 2006.
- ↑ Town of Port Hedland – History (engl.). Arkivita el la originalo je 2006-12-10. Alirita 2011-08-20.
- ↑ "Nicol Bay". The Inquirer & Commercial News. 3 August 1866. p. 3.
- ↑ "Exploration". The Inquirer & Commercial News. 8 August 1866. p. 2.
Eksteraj ligiloj
- Vidu ankaŭ en la Vikimedia Komunejo la kategorion Port Hedland – (Kolekto de bildoj kaj plurmediaj dosieroj)