 Kiel legi la taksonomion | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
Aliaj Vikimediaj projektoj | ||||||||||||
Plumerio estas malgranda genro de plantoj indiĝenaj al la tropikaj kaj subtropikaj regionoj de Ameriko. Ĝi inkluzivas 133 priskribitajn speciojn kaj el ĉi tiuj, nur 11 akceptitajn.[1]
La specioj disvastiĝis tra la tropikaj regionoj de la mondo, precipe en Havajo (Usono), kie ili estas kultivitaj tiel abunde, ke ili estas konsiderataj indiĝenaj.
Priskribo
La genro enhavas deciduajn aŭ perenfoliajn arbustojn kaj malgrandajn arbojn. Ili kutime formas larĝan rondforman kronon, kun grandaj folioj (20-30 cm longaj x 5-10 cm larĝaj) brilverdaj, aŭ senbrilaj en iuj specioj; ovalaj, kun plataj aŭ pintaj kaj longaj petioloj. La infloresko estas fina cumo dividita en du aŭ tri longajn brakteojn. La floroj estas tubformaj, kun kvin blankaj, flavaj, rozkoloraj, ruĝaj aŭ miksitaj petaloj, kiuj malfermiĝas laŭ ventreca formo, kutime 5 ĝis 7 cm en diametro. Ili estas tre bonodoraj. P. rubra apartenanta al Meksiko kaj Mezameriko, produktas flavajn aŭ rozkolorajn florojn depende de la maniero kiel ĝi estas kultivitaj.
Tiuj specioj nur produktas semojn okaze, kaj kiam ili faras tion iliaj floroj produktas du malmolajn, mallarĝajn kaj pintajn ŝelkapsulojn, ĉirkaŭ 18cm longajn kun 20 ĝis 60 flugilhavajn semojn.
Taksonomio
La genro estis priskribita de Karolo Lineo kaj publikigita en Species Plantarum 1: 210. 1753.[2] La tipa specio estas Plumeria rubra.
Etimologio
La nomo plumeria estis elektita honore al la franca botanikisto Charles Plumier, kiu vojaĝis al la Nova Mondo, kie li dokumentis multajn plantajn kaj bestajn speciojn.
Akceptitaj specioj
Jen specioj de la genro Plumerio akceptitaj ĝis oktobro 2013, ordigitaj alfabete. Por ĉiu estas indikita la dunoma specia nomo sekvata de la aŭtoro, mallongigita laŭ la konvencioj kaj uzoj.
- Plumeria alba L. (blanka franĉipano)
- Plumeria filifolia Griseb.
- Plumeria inodora Jacq.
- Plumeria magna Zanoni & M.M.Mejía
- Plumeria mariaelenae J.F.Gut. & J.Linares
- Plumeria obtusa L.
- Plumeria pudica Jacq.
- Plumeria rubra L. (ruĝa franĉipano)
- Plumeria × stenopetala Urb.
- Plumeria subsessilis A.DC.
Vidu ankaŭ
- Legendo de jukatanaj majaoj nome "Nicté" (Nikteo)
Referencoj
- ↑ Plumeria en PlantList
- ↑ «Plumeria». Tropicos.org. Missouri Botanical Garden. Konsultita la 5an de Majo 2021.
Eksteraj ligiloj
- Plumeria rubra estas la Nacia Floro de Nikaragvo Arkivigite je 2015-11-20 per la retarkivo Wayback Machine
- Frangipani, Plumeria, Lonely Hearts Posts and New Books to Read! - Informa eseo pri Plumeria.
- Flora Brasiliensis: Plumeria
- Dok Champa Muang Lao: Plumeria Flowers, fleurs des frangipaniers, fleurs du Laos. Présentation de toutes les méthodes de multiplications : par bouture, semis, greffe ou encore marcottage.
- Plumeria en nederlanda nederlande
- Bali Plumeria Arkivigite je 2020-06-14 per la retarkivo Wayback Machine (el Retarkivo 20200614113104)
| Registara kontrolo |
|
|---|
En tiu ĉi artikolo estis uzita la traduko de la artikolo Plumeria en la hispana vikipedio.