Pri la komunumo

Rueun (malnova germanlingva kaj ĝis 1943 oficiala nomo Ruis) estas komunumo kaj ĉefloko de la komunumaro Ruis en la distrikto Surselva de Kantono Grizono, Svislando. Ĝi havis 416 loĝantojn je la 31-a de decembro 2009.

Geografio

Rueun situas ĉe la bordo de Antaŭa Rejno nordokicdente de Ilanz. Al la komunumo apartenas krom la vilaĝo Rueun mem la setlejoj Station Rueun, Serenera, Plaun Grond, Sareins, Rischleras, Barschaus, Dacla, Valsins, Darpagaus kaj la alpopaŝtejo Alp da Ruen.

Najbaraj komunumoj

La komunumo Rueun limas en nordo al Pigniu, en nordoriento al Siat, en oriento al Schnaus, en sudoriento al Ilanz, en sudo al Mundaun, en sudokcidento al Obersaxen, en okcidento al Waltensburg/Vuorz, kaj en nordokcidento al Andiast.

Trafiko

Tra Rueun pasas la kantona ĉefvojo n-ro 19 de Ilanz tra Disentis kaj Oberalppasejo al Andermatt. La komunumo disponas pri stacidomo ĉe la linio de Retia Fervojo de Koiro al Disentis, per kiu ĝi estas konektita al la publika transportreto. Poŝtaŭtolinio konektas la stacidomon de Rueun (Station Rueun) kun la vilaĝo Rueun. Krome de Rueun poŝtaŭotlinioj kondukas al Pigniu, Ilanz kaj Andiast.

Historio

La unua dokumenta mencio de Rueun datiĝas el la jaro 765 kiel Ruane. Dum la frua mezepoko la Abatejo Disentis posedis bienojn en Rueun. En tiu tempo en Rueun ekzistis reĝa bieno karola. Dum meza mezepoko Rueun estis parto de la Senjorujo Jörgenberg. De 1473 ĝis 1734 Rueun estis parto de la tribunalkomunumo Waltensburg, kaj poste ĝis 1850 ĝi estis la centro de la tribunalejo Rueun. Ek de 1851 el la tribunalejo Rueun fariĝis la komunumaro Ruis de la distrikto Glenner. En la jaro 2001 la distrikto Glenner estis dissolvita kaj integrita al la nova distrikto Surselva.^[1]

Notoj kaj referencoj

Vidu ankaŭ

• Rueun (stacidomo)

Eksteraj ligiloj

• Oficiala retejo de la komunumo Rueun Arkivigite je 2017-10-10 per la retarkivo Wayback Machine
• Rueun en la Historia Leksikono de Svislando  (germane, france, itale)

Komunumoj de la distrikto Surselva Komunumaro Cadi/Disentis: Breil/Brigels  • Disentis/Mustér  • Medel (Lukomagno)  • Schlans  • Sumvitg  • Trun  • Tujetsch Komunumaro Ilanz: Castrisch  • Falera  • Ilanz  • Laax  • Ladir  • Luven  • Mundaun  • Pitasch  • Riein  • Ruschein  • Sagogn  • Schluein  • Schnaus  • Sevgein  • Valendas  • Versam Komunumaro Lumnezia/Lugnez: Cumbel  • Degen  • Duvin  • Lumbrein  • Morissen  • Sankt Martin  • Suraua  • Vals  • Vella  • Vignogn  • Vrin Komunumaro Ruis: Andiast  • Obersaxen  • Pigniu  • Rueun  • Siat  • Waltensburg/Vuorz Komunumaro Safien: Safien  • Tenna