44° 29′ 37.5″ N 11° 20′ 35″ O / 44.493750 °N, 11.34306 °O (mapo)
| Placo Maggiore | ||
|---|---|---|
 | ||
| placo [+] | ||
| Lando | Italio | |
| Regiono | Emilio-Romanjo | |
| Situo | Bolonjo | |
| - koordinatoj | 44° 29′ 37″ N, 11° 20′ 35″ O (mapo)44.4937311.343064Koordinatoj: 44° 29′ 37″ N, 11° 20′ 35″ O (mapo) | |
| Longo | 115 m | |
| Larĝo | 60 m | |
| Areo | 6900 m² | |
| Poŝtkodo | 40121 [+] | |
|
||
 |
||
| Placo Maggiore | ||
 Vikimedia Komunejo: Piazza Maggiore (Bologna) [+] |
||
Placo Maggiore (itale Piazza Maggiore [PJAca maĜOre]) estas la ĉefa placo en la urbo Bolonjo, en la nordo de Italio. Ĝi longas 115 metrojn kaj larĝas 60 metrojn, kaj ĉirkaŭ ĝi situas la ĉefaj mezepokaj palacoj de la urbo. La plej malnova el ili estas la Palazzo del Podestà (Palaco de la Komunumestro), kiu fermas la nordan flankon de la placo; ĝi estis konstruita proksimume en 1200, kaj ligiĝas al la Torre dell'Arengo (Turo de la Arengo), per kies sonorilo oni kunvokis la urbanojn. Post malmulte oni ekkonstruis Palazzo Re Enzo (Palacon Reĝo Enzo), sub kiu kruciĝas promenejoj kun krucvolboj.
Priskribo
En la okcidenta flanko de la placo situas la palaco Palazzo d'Accursio [paLAco daKURsjo], konstruita dum la 13-a jarcento; ĝi funkcias kiel arkivejo de la komunumo de Bolonjo kaj gastigas artajn ekspoziciojn.
En la suda flanko situas la Baziliko Sankta Petronio, kies fasado restis nekonstruita; temis pri ekzemplero de itala gotika arkitekturaĵo, kies konstruado komenciĝis fine de la 13-a jarcento.
En la orienta flanko, fine, situas la Palazzo dei Banchi [paLAco dej BANki], kiu fakte temas nur pri fasado konstruita inter 1565 kaj 1568 laŭ projekto de Giacomo Barozzi, kiu per ĝi kovris la malantaŭajn, malbonkvalitajn konstruaĵojn. La portiko de la palaco pluiras suden kaj laŭas la Archiginnasio-n, mezepoka sidejo de la Universitato de Bolonjo, kie nun situas unu el la plej riĉaj bibliotekoj en Eŭropo; ĝi estas populare konata kiel "il Pavaglione" ("la pavilono", en la loka dialekto), kaj dum jarcentoj tie okazis komercado de silkraŭpoj.
| ||||||||||||