Piélagos

Piélagos
municipality of Cantabria
	Blazono
Administrado
Poŝtkodo	39470
En TTT	Oficiala retejo [+]
Demografio
Loĝantaro	26 605 (2023) [+]
Loĝdenso	319 loĝ./km²
Geografio
Geografia situo	43° 21′ N, 3° 57′ U (mapo)43.357777777778-3.9580555555556Koordinatoj: 43° 21′ N, 3° 57′ U (mapo) [+]
Alto	37 m [+]
Areo	83,33 km² (8 333 ha) [+]
Horzono	UTC+01:00 [+]
	Piélagos (Kantabrio) Piélagos
	Situo de Piélagos
	Piélagos (Hispanio) Piélagos
	Situo de Piélagos
Alia projekto
	Vikimedia Komunejo Piélagos [+]

Municipa teritorio de Piélagos, norde de Kantabrio.

Piélagos (prononcu PJElagos) estas municipo en Kantabrio (Hispanio). Laŭ censo de 2012, ĝi havis 23 211 loĝantojn.

Geografio

Ties limoj estas norde la Kantabra Maro, okcidente Miengo, Polanco kaj Torrelavega, sude Puente Viesgo kaj Castañeda, kaj oriente Villaescusa, Camargo kaj Santa Cruz de Bezana.

Ĝi situas en la industria kaj plej loĝata areo de Kantabrio, tio estas, la areo inter la urboj Santandero kaj Torrelavega. Tradicie, la unuaranga sektoro tre viglis pro aktiva bruto-brutado, kaj pro ĝia strategia situo, en la urbo instaliĝis pluraj entreprenoj, inkluzive kelkaj laktejoj. Pro la beleco de ties marbordo (sep strandoj) kaj bona transporta komuniko, konstruiĝis en la municipo pluraj loĝejoj, ofte malrespekte de la natura medio.

La loĝlokoj de la municipo estas jenaj: Arce, Barcenilla, Boo, Carandía, Liencres, Mortera, Oruña, Parbayón, Quijano, Renedo (ĉefurbo), Vioño de Piélagos kaj Zurita.

Demografia evoluo
1900	1910	1920	1930	1940	1950	1960	1970	1980	1990	2000	2005	2010	2013	2021
5698	6208	6418	7282	8040	8487	9710	9365	9282	9219	11 862	15 748	21 268	24 077	26.035

Fonto: INE

Malnova ponto de Puente Arce super la rivero Pas inter Oruña kaj Arce, ambaŭ de la municipo Piélagos.

Estas kvin Havaĵoj de Kultura Intereso en la municipo, nome la jenaj:

Mezepoka turo de Velo, en Arce, kun la kategorio de monumento.
Ponto de la 17-a jarcento, en Arce, monumento.
Palaco de la Conquista Real, en Arce, monumento.
Groto “Santián” aŭ “Santiyán”, kun la kategorio de arkeologia zono.
Groto “El Calero II”, en Arce, arkeologia zono.

Krome, estas kvar Havaĵoj de Loka Intereso:

Palaco de la Grafoj de Mortera, en Mortera.
Sanktejo de “La Virgen de Valencia”, en Vioño de Piélagos.
Palaco de la Llana aŭ de la Colina, en Zurita.
Militaj Strukturoj de la Monto Picota, en Boo

Kaj tri katalogitaj havaĵoj:

Palaco kaj kapelo de Bustamante, en Renedo.
Ponto de Barcenilla, en Barcenilla.
Palaco de la Floro, en Carandía.

Bildoj

Jakoba Vojo en Boo de Piélagos.
Liencres.
Preĝejo de Mortera.
Domego de Zurita.

Vidu ankaŭ

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.