Peter Stuyvesant, pentraĵo de nekonato

Peter STUYVESANT [pEtr stEŭvezant], naskita en 1612 en Peperga, vilaĝo intertempe apartena al Weststellingwerf en Frislando (Nederlando), mortinta en 1672 en Novjorko, estis inter 1647 kaj 1667 la lasta guberniestro de la nederlanda kolonio Nova Nederlando (nederlande Nieuw-Nederland). Lia oficado finiĝis per transdono de la kolonio al Britio.[1]

Kiel guberniestro Stuyvesant zorgis interalie pri plivastigo de la setlejo "Nov-Amsterdamo" (kiu en 1664 estis alinomita al Novjorko) ĉe la suda ekstremo de Manhatano. Sub lia administrado realiĝis la protekta muro ĉe Wall Street ("mura strato"), la kanalo, kiu poste iĝis Canal Street (kanala strato), kaj la strato Broadway. La familio de Stuyvesant posedis grandajn terenojn en la nord-orienta parto de Nova Amsterdamo. La tiea bieno, kies nomo estis bouwerie, donis sian nomon al la strato The Bowery.

Antaŭ sia guberniestreco Stuyvesant deĵoris kiel direktoro de la Okcident-Hindia Kompanio kaj estris la tiel nomatajn ABC-insulojn (Aruba, Bonaire, Curaçao) do Arubo, Bonero kaj Kuracao. Li perdis kruron en batalo kontraŭ portugaloj ĉe insulo Sankta Marteno kaj dum la plejparto de sia adolta vivo uzis lignan kruron.

Referencoj

  1. ↑ Journal of New Netherland 1647. Skribita en la jaroj 1641, 1642, 1643, 1644, 1645, kaj 1646 (1641-1647). Alirita 2013-08-01.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.