Percy Williams Bridgman
Nobel-premiito
Persona informo
Percy Williams Bridgman
Naskiĝo	21-an de aprilo 1882 (1882-04-21) en Kembriĝo
Morto	20-an de aŭgusto 1961 (1961-08-20) (79-jaraĝa) en Randolph
Mortis pro	sinmortigo vd
Religio	ateismo vd
Lingvoj	angla vd
Ŝtataneco	Usono vd
Alma mater	Universitato Harvard • Newton North High School vd
Familio
Edz(in)o	Olive Ware vd
Profesio
Okupo	fizikisto • universitata instruisto vd
Laborkampo	fiziko vd
Doktoreca konsilisto	Wallace Clement Sabine vd
Honorigoj Honorigoj Nobel-premio pri fiziko • Elliott Cresson-medalo • Josiah Willard Gibbs Lectureship • Rumford Prize • Bakerian Lecture • Comstock Prize in Physics • Guthrie Lecture • eksterlanda ano de la Reĝa Societo • Bingham Medal • Royal Society Bakerian Medal vd
Membrecoj Membrecoj Reĝa Societo de Londono • Usona Nacia Akademio de Sciencoj • Usona Akademio de Artoj kaj Sciencoj • Amerika Filozofia Societo • Usona Asocio por la Altniveligo de Scienco • Usona Fizika Societo vd
vd	Fonto: Vikidatumoj

Percy Williams BRIDGMAN (21-an de aprilo 1882, Kembriĝo, Massachusetts, Usono – 20-an de aŭgusto 1961, Randolph, New Hampshire) estis usona eksperimenta fizikisto, kiu ricevis Nobel-premion pri fiziko^[1] en 1946 pro studado de materialoj en alta temperaturo kaj premo.

Li studis en la Harvarda Universitato de 1900, akiris gradon de M. A. en 1905, doktoriĝis en 1908. Li komencis eksperimentojn en 1908 pri statikaj grandaj premoj. Liaj esploroj okazis je ĉ. 6500 atmosfera premo, poste etendiĝis ĝis premo de pli ol 100.000 atmosferoj kaj fine atingis 400.000 atmosferojn. Ĉar tiu estis nova esplora tereno, la plimulton de la necesaj iloj por tio li devis krei, konstrui.

Lia plej grava inventaĵo estis specifa ŝtopigo, en kiu la premo estas ĉiam pli granda ol en la subprema likvo, tiel la fermado estas memferma. Bridgman uzis poste la novajn ŝtaltipojn, diversajn alojojn de metaloj kaj varmorezistaj kombinaĵoj. Tiam li analizis kunpremitan fluidaĵojn, solidaĵojn, ties fizikajn proprecojn.

Kvankam Bridgman mem ne produktis diamantojn, provis tion. Liaj esploroj helpis esploristojn de General Electric Company en 1955 produkti diamanton. Oni sintezis per pluevoluigo de liaj metodoj aliajn mineralojn.

Bridgman en 1919 iĝis ordinara profesoro de la Harvardo, en 1926 „Hollis”- kaj en 1950 „Higgins”-profesoro.

Kiam li rekonis en 1961 kanceran malsanon, li mortigis sin.

Vidu ankaŭ

• Bridgmanito

Referencoj