Perales del Alfambra
municipo en Hispanio
Administrado
Poŝtkodo	44163
Demografio
Loĝantaro	264  (2023) [+]
Loĝdenso	3 loĝ./km²
Geografio
Geografia situo	40° 38′ N, 1° 0′ U (mapo)40.6344038-1.0018732Koordinatoj: 40° 38′ N, 1° 0′ U (mapo) [+]
Alto	1 165 m [+]
Areo	104,239164 km² (1 042 3.9 164 ha) [+]
Horzono	UTC+01:00 [+]
Perales del Alfambra (Provinco Teruelo) DEC Perales del Alfambra Situo de Perales del Alfambra
Perales del Alfambra (Hispanio) DEC Perales del Alfambra Situo de Perales del Alfambra
Alia projekto
Vikimedia Komunejo Perales del Alfambra [+]

Perales del Alfambra [peRAles delalFAMbra] estas vilaĝo kaj municipo de la provinco Teruelo (nordorienta Hispanio), nome en la suda komarko Komunumo de Teruelo, kies komarka ĉefurbo estas la provinca ĉefurbo mem, Teruelo. La loknomo Perales estas komprenebla kiel Pirarboj, dum del Alfambra estas aludo al la rivero Alfambra, kiu markas la valon.

Geografio

Ĝi estas je 37 km de Teruelo, provinca ĉefurbo. Al Teruelo alvenas de nordo tri ŝoseoj, de sudo aliaj tri kaj unu okcidente el Gea de Albarracín. El la tri nordaj, tiu centra nome N-420 venas laŭ la valo de la rivero Alfambra. Laŭ tiu, Perales del Alfambra estas la kvina plej proksima municipo al la ĉefurbo inter Alfambra kaj Fuentes Calientes. La municipa teritorio estas trapasata de la nacia ŝoseo N-420, inter la km 615 kaj 622.

La orografio de la municipo estas markita de la rivero Alfambra kaj la neregula tereno kiu ĉirkaŭas ĝin, pere de nombraj ravinoj kiuj enfluas en la riveron. La altitudo gamas inter 1480 msm en la sudorienta pinto kaj 1050 msm borde de la rivero. La loĝloko mem kuŝas je 1165 msm.^[1]​

La municipa teritorio limas jene:

Nordokcidente: Rillo	Norde: Fuentes Calientes	Nordoriente: Cañada Vellida
Okcidente: Visiedo		Oriente: Galve
Sudokcidente: Alfambra	Sude: Orrios	Sudoriente: Orrios

Historio

Sonorilturo.

La zono venis al posedo de kristanoj post la venko de Alfonso la 1-a la Batalema en la batalo de Cutanda. Sed eble la kristanoj perdis ĝin dum la krizo kiu sekvis la morton de Alfonso la 1-a. Nur dum la regado de Alfonso la 2-a de Aragono estis klara dominado fare de kristanoj.

Aktualo

Bazo de ekonomio estis agrikulturo (cerealoj) kaj brutobredado. Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj tiukadre ankaŭ en Perales del Alfambra oni malaltiĝis ĝis nunaj 251 loĝantoj.

Vidu ankaŭ

• Municipoj de la provinco Teruelo

Notoj

Eksteraj ligiloj