Pavel Ĉerenkov
Nobel-premiito
Persona informo
Павел Алексеевич Черенков
Naskiĝo	28-an de julio 1904 (1904-07-28) en Novaya Chigla, Voroneĵa gubernio,  Rusia Imperio
Morto	6-an de januaro 1990 (1990-01-06) (85-jaraĝa) en Moskvo
Tombo	Novodeviĉje tombejo vd
Lingvoj	rusa vd
Ŝtataneco	Rusia Imperio • Sovetunio vd
Alma mater	Ŝtata Universitato de Voroneĵ vd
Partio	Komunista Partio de Sovetunio vd
Familio
Edz(in)o	Maria Putintseva vd
Profesio
Okupo	nuklea fizikisto • inventisto • fizikisto vd
Laborkampo	nuklea fiziko • optiko • alt-energia fiziko vd
Doktoreca konsilisto	Sergej Vavilov vd
Honorigoj Honorigoj Stalin-premio • Sovetia Ŝtata Premio • Ordeno de Lenin • Heroo de Socialisma Laboro • Nobel-premio pri fiziko • Ordeno de Laborista Ruĝa Standardo • Ordeno de la Honora Insigno • Medalo «Pro Merita Laboro dum la Granda Patriota Milito 1941–1945» • Medalo «Por memorigi la 100-jaran datrevenon de la naskiĝo de Vladimiro Lenino» • Jubilea Medalo “Tridek Jaroj de Venko en la Granda Patriota Milito 1941–1945” • Jubilea Medalo “Kvardek Jaroj de Venko en la Granda Patriota Milito 1941–1945” • Medalo “Por Memorigo de la 800-a Jaro de Moskvo” vd
Membrecoj Membrecoj Akademio pri Sciencoj de Sovetunio • Usona Nacia Akademio de Sciencoj vd
vd	Fonto: Vikidatumoj

Pavel Aleksejeviĉ ĈERENKOV (28-an de julio 1904, Novaja Ĉigla, apud Voroneĵ, Rusio – 6-an de januaro 1990, Moskvo) estis rusa fizikisto, kiu ricevis Nobel-premion pri fiziko en 1958 pro malkovro de lumradiado de grandrapidaj korpuskloj – kun Ilja Frank kaj Igor Tamm.

Li naskiĝis en kamparana familio, li jam junaĝe montris interesiĝon pri sciencaj temoj. Li finstudis en la matematika-fizika fako de la Voroneĵa Ŝtata Universitato en 1928, poste laboris du jarojn kiel instruisto. Li estis ekde 1930 aspiranto en la Fizika-Matematika Instituto de la Akademio de Sciencoj de Sovetunio, en Leningrado. Li akiris sciencan licencion en 1935, post tio li iĝis kunlaboranto de la moskva Fizika Instituto Lebedev. Li estis nomumita al profesoro de la Teknika-Fizika Altlernejo de Moskvo, en 1953.

Li okupiĝis pri esploro de la fizika naturo de la lumo ekde 1932, du jarojn poste rimarkis li la lumradiadon de korpuskloj, kiuj trairas medion kun pli granda rapido ol la lumo en tiu medio. Tiu radiado estis nomata poste Ĉerenkov-radiado, kies teorian klarigon donis Frank kaj Tamm. Oni uzis la t.n. Ĉerenkov-kalkulilon en esplorado de la korpuskloj kaj unuafoje per tio rimarkis la antiprotonon.

Li estis distingita ankaŭ per Ŝtat-Premio (1946, 1952, 1977), Ordeno de Lenin (dufoje), Stalin-premio (1946, 1951), kaj Ordeno de Heroo de Socialisma Laboro (1984).