Paskalo estas komputila programlingvo kreita dum la 1970-aj jaroj de Niklaus WIRTH. Tiu programlingvo havas fortan pedagogian tradicion kaj tial ĝi estas ofte uzata en komputadaj kursoj pri programado. Pluraj idaj programlingvoj estas kreitaj el ĝi: Modula-2, Modula-3 kaj Oberono.
Dum pli ol tridek jaroj da ekzistado de Paskalo, ĝi evoluis kaj servis kiel bazo por kelkaj diversaj programaj produktoj. Malgraŭ tiu fakto, ke Paskalo estis kreita kiel simpla porinstrua programlingvo, nuntempe ĝi estas potenca profesia kaj tre fleksebla lingvo. Grandan parton da evoluo de Paskalo enigis firmao Borland (ankaŭ fifama sub la titolo Inprise (Inprajz)). La Borlanda versio de Paskalo havas la nomon Delphi (Delfi) aŭ Objekta Paskalo.
N.B. pri la verkisto, vidu Blaise Pascal
Paskala pseŭdokodo
En la artikolo pri pseŭdokodoj estas menciita pseŭdokodo bazita sur Paskalo. Fakte tia Paskala pseŭdokodo estas uzata por prezenti algoritmojn en la Komputada Leksikono. Ankaŭ en Vikipediaj artikoloj ĝi estas uzata (ekz-e vd iteraciaj ordonoj). Jen la tabeloj da tradukoj de ŝlosilvortoj kaj pradifinitaj identigiloj laŭ la Komputada Leksikono:
La ŝlosilvortoj
| Angle | Esperante |
|---|---|
| and | kaj |
| array | tabelo |
| begin | starto |
| case | okazo |
| const | konst |
| div | div |
| do | faru |
| downto | sube |
| else | alie |
| end | fino |
| file | dosiero |
| for | por |
| function | funkcio |
| goto | al |
| if | se |
| in | en |
| label | marko |
| mod | mod |
| nil | nul |
| not | ne |
| of | el |
| or | aŭ |
| packed | pakita |
| procedure | proceduro |
| program | programo |
| record | rikordo |
| repeat | ripetu |
| set | aro |
| to | supre |
| then | tiam |
| type | tipo |
| until | ĝis |
| var | var |
| while | dum |
| with | super |
La pradifinitaj nomoj
| Angle | Esperante |
|---|---|
| Abs | abs |
| ArcTan | tanArk |
| Boolean | bulea, buleaj |
| Char | signa, signaj |
| Chr | sgn |
| Cos | kos |
| Dispose | detruu |
| Eof | doFin |
| Eoln | liFin |
| Exp | eksp |
| False | malvero |
| forward | daŭrigota |
| Get | prenu |
| Input | enigo |
| Integer | entjera, entjeraj |
| Ln | ln |
| MaxInt | maksEnt |
| New | kreu |
| Odd | nepara |
| Ord | nro |
| Output | eligo |
| Pack | paku |
| Page | paĝo |
| Pred | ant |
| Put | metu |
| Read | legu |
| Readln | leguLin |
| Real | reela, reelaj |
| Round | ronde |
| Sin | sin |
| Sqr | kvad |
| Sqrt | rad |
| Succ | sek |
| Text | teksta |
| True | vero |
| Trunk | trunko |
| Unpack | malpaku |
| Reset | hejmen |
| Rewrite | reskribu |
| Write | skribu |
| Writeln | skribuLin |