Regionoj

Paraibo estas dividita en 6 regionoj nomataj kompartimentoj: Marbordo, Piedmonto, Breĵo, Karirio, Sertano kaj Alta Sertano.

1 - Marbordo, kies ĉefurbo estas João Pessoa tre similas al ideo kiu fremduloj havas pri tropikaj regionoj: belaj plaĝoj, verd-blua maro, arbaretoj, ekzotikaj fruktoj kaj bestoj, brunhaŭtuloj kaj eĉ indiĝenoj. En ĝi oni plantas sukerkranon, ananason kaj kokoson. Kaj ankaŭ estas multaj industriaj sukerfarejoj.

2 - Piedmonto, kies ĉefurbo estas Guarabira estas inter marbordo kaj montaro Borborema. Tie estas gravaj konfliktoj inter terposedantoj kaj senteruloj kaj oni ofte vidas tendarojn de senterulojn. En ĝi oni plantas sukerkanon kaj ananason.

3 - Breĵo, kies ĉefurbo estas Areia estas super montaro Borborema. Ĝi havas milda klimato kaj, eble, estas la plejfeliĉa regiono de nordorienta Brazila kamparo. En ĝi pluvas regule, oni plantas sukerkranon, terpomon kaj maniokon krom fruktojn kaj legomojn. En ĝi estas multaj kasavfarejoj, mueliloj, brandfarejoj kaj sukerfarejoj kiuj produktas regionajn sukerojn. Ĝenerale, ĝiaj loĝantoj estas dikaj blankuloj kiuj tre ŝatas teatraĵon kaj muzikon.

4 - Karirio, kies ĉefurbo estas Campina Grande estas super montaro Borboremo, sed en okcidenta kaj seka flanko. Tie la klimato estas tre seka, sed oni sukcesas planti fazeolon, maizon kaj aliajn plantojn dum du au tri jaroj po jardeko. En Campina Grande estas tradiciaj industrioj kiel ŝufabrikoj, teksaĵfabrikoj, metalfabrikoj, ktp. La loĝantoj nomas sian urbon "labora ĉefurbo" de Paraibo, kaj, ĝenerale, la ŝtatestroj loĝas kaj laboras tie.

5 - Sertano estas tre seka regiono kiu produktas ĉefe mineralojn. Ĝia ĉefurbo estas Patos. Tie oni bredas kaj produktas fromaĵon, kaj estas malgrandeta areo akvumata kiu produktas vinberojn, de tiuj oni faras tre malbongustan dolĉegan vinon, vinbrandon kaj brazilan trinkaĵon nomitan "catuaba" (vino kun tropikaj herboj).

6 - Alto-Sertano, fine, estas ankaŭ tre seka kaj malriĉa regiono. Ĝia ĉefurbo estas Cajazeiras, en ĝi oni bredas kaj plantas ion.

Riveroj

Paraibo estas malgranda kaj seka ŝtato, sekve, ĝi ne havas multajn gravajn riverojn. La plej gravaj riveroj en Paraibo estas:

• Paraíba
• Mamanguape
• Seridó
• Curimataú
• Piranhas