Monbiletoj kun montra valoro de 5000 da diversaj valutoj
Monbileto estas ambaŭflanke presita peco el papero aŭ plasto, emisiita de valuta banko aŭ de ŝtato kiel laŭleĝa pagilo. Oni diras ankaŭ «bankbileto», nur «bileto» aŭ «papermono».
Monbiletoj ofte estas uzataj paralele al moneroj. Kutime oni uzas biletojn por altaj valoroj, metalajn monerojn por malaltaj.
Monfalsado kaj protekto kontraŭ ĝi
Ĉar monbileto apenaŭ havas materian valoron, ekzistas la problemo de monfalsado. Por malhelpi falsadon la emisiantoj uzas specialajn rekonilojn, ekzemple:
- tre delikatan preson kun multaj detaloj
- diversajn kolorojn
- paperon kun metala fadeno
- paperon kun akvomarko
- travideblan plaston, en kiu estas fenestro (ne fotokopiebla)
- detaloj dispartigitaj al la du flankoj de la bileto, tiel ke nur rigardante ĝin antaŭ lumo videblas la tuta objekto
- spegulaj markoj (ne fotokopieblaj)
- hologramoj (ne fotokopieblaj)
Kuriozaĵoj
La papero el kiu oni fabrikas la monbiletojn de eŭro estas centprocente el kotono.
Eksteraj ligiloj
- Rusaj monbiletoj 1898—1917 Arkivigite je 2006-07-03 per la retarkivo Wayback Machine (eo)
- Catalogue of modern World Banknotes Arkivigite je 2017-06-03 per la retarkivo Wayback Machine (en, ru)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.