Pa negre (Nigra pano, 2010) estas hispana filmo filmita en kataluna, verkita kaj reĝisorita de Agustí Villaronga, kun scenaro bazita ĉefe sur la samnoma romano de Emili Teixidor, kun aldonoj de aliaj tekstoj liaj kiel Retrat d'un assassí d'ocells kaj Sic transit Gloria Swanson.​ La filmo prezentiĝis la 21an de septembro 2010 en la Donostia Kinfestivalo. La 15an de oktobro premieriĝis komerce en Hispanio.​

Ĝi estis proponita de la Hispana Kinakademio kiel kandidato al Akademia premio por la plej bona fremdlingva filmo por la Oskar-premioj de 2012, sed ĝi estis eliminita en la antaŭelekto. En la Goya-premioj de 2010, la filmo estis dekkvarfoje nomumita, el kio ĝi ricevis naŭ Goya-premiojn, nome al plej bonaj filmo, reĝisoro, adaptita scenaro, aktorino, duaranga aktorino, novula aktoro, novula aktorino, fotografio kaj arta reĝisorado.

Intrigo

Tuj post la hispana enlanda milito, en rura Katalunio, Andreu, 11-jaraĝa, kies patro estis aparteninta al la respublika tendaro, trafas en arbaro la kadavrojn de viro kaj lia filo. La frankismaj aŭtoritatoj volas akuzi pri tiuj mortoj lian patron, sed li helpocele klopodas por esploradi la verajn respondeculojn. La murdito estas Dionís, atakita de maskulo, kiu poste kondukas lian ĉaron kun okulbendita ĉevalo randen de klifo kaj forĵetas ĝin, enhavantan Dionís kaj lian filon, Colet. Andreu estas kiu malkovras la restaĵojn de la faligita ĉaro. Colet ankoraŭ vivas je la alveno de Andreu, sed li sukcesas diri nur unu vorton mortanta: Pitorliua (arbalaŭdo en kataluna), nomo kiun la lokanoj uzas por fantomo supozeble loĝanta en kaverno. La falangista urbestro suspektas, ke Farriol, la patro de Andreu, respondecas pri la morto de Dionís kaj lia filo. Farriol, kiu estis iama partnero de Dionís en negoco pri birdoj, estas facila celo por tiu akuzo pro liaj iamaj antaŭaĵoj. Iam la urbestro kaj Farriol konkurencis por la amo de Florència, la patrino de Andreu, kiu finfine elektis Farriol kiel edzon, plifortigante grandan malamon inter ambaŭ. Timante pro sia vivo, Farriol fuĝas al Francio. Florència devas translokiĝi por labori en fabriko de Vic, kaj tial ŝi sendas Andreu vivi kun la patroflanka familio en domo plena je virinoj kaj infanoj.

Geaktoraro kaj roluloj

Eksteraj ligiloj

• oficiala retejo Arkivigite je 2018-08-13 per la retarkivo Wayback Machine
• labutaca.net
• Filmejo (El Puig de la Balma)
• Pan negro: El cine en 20 minutos

• En tiu ĉi artikolo estas uzita traduko de teksto el la artikolo Pan negro (película) en la hispana Vikipedio.