| Oulens-sous-Echallens | |
|---|---|
 Blazono de Oulens-sous-Echallens | |
| Blazono de Oulens-sous-Echallens | |
 Preĝejo de Oulens-sous-Echallens | |
| Preĝejo de Oulens-sous-Echallens | |
| komunumo en Svislando | |
| Kantono | Vaŭdo |
| Distrikto | Centro de Vaŭdo |
| Geografia situo | CH1903: 534048 / 165997 (mapo)46.6419444444446.5772222222222Koordinatoj: 46° 39′ N, 6° 35′ O; CH1903: 534048 / 165997 (mapo) |
| Nombro de loĝantoj | 522 |
| Areo | 5,87 km² |
| Alteco | 588 m super marnivelo |
| Poŝtkodo | 1377 |
| Komunumkodo | 5529 |
 Mapo de Oulens-sous-Echallens | |
| Situa mapo de Oulens-sous-Echallens | |
Oulens-sous-Echallens estas komunumo en la Distrikto Centro de Vaŭdo en Kantono Vaŭdo, Svislando. Ĝi havis 522 loĝantojn je la 31-a de decembro 2012.
Geografio
La komunumo Oulens-sous-Echallens situas sur la molasaj montetoj de la Vaŭda Mezlando ĉe la okcidenta bordo de la river Talento en okcidento de la regiono nomita Centro de Vaŭdo (en la franca lingvo Gros-de-Vaud), proksimume 10 kilometrojn okcidente de la distriktĉefurbo Echallens kaj 20 kilometrojn nordokcidente de la kantonĉefurbo Laŭzano. La komunumo konsistas el la vilaĝo Oulens, la setlejo Sur la Croix, kaj kelkaj izolitaj bienoj.[1]
La teritorio de la komunumo etendiĝas sur areo de 5,87 km², de kiuj 24,0% estas kovritaj de arbaro, 64,7% servas por agrikulturo kaj 10.9% por setlado. [2]
Najbaraj komunumoj
La komunumo Oulens-sous-Echallens limas en nordo al Bavois, en oriento al Goumoëns, en sudoriento al Saint-Barthélemy, en sudo al Bettens, en sudokcidento al Daillens, kaj en nordokcidento al Eclépens.
Trafiko
Tra Oulens-sous-Echallens pasas la kantona ĉefvojo n-ro 134 de Chavornay al Ecublens, kiu kruciĝas en la komunuma centro kun konekta vojo de Goumoëns al La Sarraz. En okcidento pasas la svisa aŭtovojo A1, kies alveturejo La Sarraz situas sur la teritorio de laq komunumo.
Historio
La unua dokumenta mencio de Oulens-sous-Echallens datiĝas el la jaro 1207 kiel Ollens. Dum mezepoko Oulens estis grejnbieno de la Abatejo Lago de Joux. De 1475 ĝis la Helveta Revolucio de 1798 Oulens-sous-Echallens estis parto de la komuna berna kaj friburga Senjorujo Orbe kaj Echallens. Post la revolucio ĝi apartenis al la Distrikto Echallens, kaj surbaze de la administra reformo de 2006 ĝi kun efiko de la 1-a de januaro 2008 ĝi estis integrita al la nova Distrikto Centro de Vaŭdo.[3]
Vidu ankaŭ
- Aliaj lokoj kun la nomo Oulens
Notoj kaj referencoj
Eksteraj ligiloj
- Vidu ankaŭ en la Vikimedia Komunejo la kategorion Oulens-sous-Echallens – (Kolekto de bildoj kaj plurmediaj dosieroj)
| ||||||
