Ostrava
germane Ostrau, pole Ostrawa
urbo
Ostrava en fotoj
Flago   Blazono
Oficiala nomo: Ostrava
Moto: Pli sekura Ostrava - projekto de ni ĉiuj.
Lando	Ĉeĥio
Regiono	Moraviasilezia regiono
Distrikto	Distrikto Ostrava-urbo
Municipo	Ostrava
Historiaj regionoj	Moravio, Ĉeĥa Silezio
Baseno	Ostrava baseno
Transporto	Aŭtostrado D1
- Internacia vojo	I/11 (E 75)
- Fervojo	Ostrava hl.n., Ostrava-Svinov
Urbaj partoj	23  - Hošťálkovice  - Hrabová  - Krásné Pole  - Lhotka  - Mariánské Hory kaj Hulváky  - Martinov  - Michálkovice  - Moravia Ostrava kaj Přívoz  - Nová Bělá  - Nová Ves  - Ostrava-Sudo  - Petřkovice  - Plesná  - Polanka nad Odrou  - Poruba  - Proskovice  - Pustkovec  - Radvanice kaj Bartovice  - Silezia Ostrava  - Stará Bělá  - Svinov  - Třebovice  - Vítkovice
Tipo de urbo	Statuta urbo
Vizitindaj lokoj	5  - Strato Stodolní  - Vítkovice - Malsupra regiono  - Zoologia ĝardeno Ostrava  - Citrario  - Bolt Tower
Konstruaĵoj	4  - Sileziaostrava burgo  - Katedralo de Dia Savinto  - Ostrava muzeo  - Zábřeh kastelo
Riveroj	4  - Odro  - Ostravice  - Opava  - Lučina
Situo	Placo de Masaryk
- alteco	260 m s. m.
- koordinatoj	49° 50′ 30″ N 18° 17′ 30″ O / 49.84167 °N, 18.29167 °O / 49.84167; 18.29167 (mapo)
Areo	214,23 km² (21 423 ha)
- de metropolo	3 896 km² (389 600 ha)
Loĝantaro	283 504 (2023)
Denseco	1 323,4 loĝ./km²
Unua skribmencio	1229
Primatoro	Ing. Petr Kajnar (ČSSD)
Horzono	MET (UTC+1)
- somera tempo	MET (UTC+2)
Poŝtkodo	702 00
Aŭtokodoj	T
NUTS 3	CZ080
NUTS 4	CZ0806
NUTS 5	CZ0806 554821
Katastraj teritorioj	39
Lokaj partoj	37
Bazaj setlejunuoj	265
Partoj de urbo	23
Situo de Ostrava enkadre de Ĉeĥio Situo de Ostrava enkadre de Ĉeĥio
Ostrava enkadre de Moraviasilezia regiono Ostrava enkadre de Moraviasilezia regiono
Partoj de urbo Ostrava Partoj de urbo Ostrava
Vikimedia Komunejo: Ostrava
Retpaĝo: www.ostrava.cz
Portalo pri Ostrava

Ostrava ( aŭskultu) (pole Ostrawa, germane Ostrau) estas statuta urbo situanta sur limoj de Silezio kaj Moravio nordoriente de Ĉeĥio, proksime de ŝtatlimo kun Pollando. Ostrava situas sur kunfluejo de riveroj Lučina, Odra, Opava kaj Ostravice. Dank' al la situo en Moravia pordego falas Ostrava en milde varman klimatan regionon, kiu estas favora por vico da specioj de faŭno kaj flaŭro tipaj por Mez-Eŭropo. La urbo kun areo 214 km² kreas sume 23 urbaj kvartaloj, en kiuj vivas 283 504 loĝantoj (2023). Ostrava, la sidejo de la regiona oficejo Moravia-Silezia Regiono kaj de distrikto Ostrava-urbo, tiel estas la tria plej granda urbo de Ĉeĥio. Sed se ni konsideros fakton, ke la granda ostrava aglomeraĵo aŭ kunurbaj disvastigitaj administrado de Ostrava-Regiono, kreata de distriktoj Ostrava, Karviná kaj Frýdek-Místek havas 796 000 loĝantojn, poste montriĝas, ke post granda praga aglomeraĵo estas tiu ĉi la dua plej granda en la respubliko. La denseco de enloĝiĝo estas 1443  loĝantoj en km². De la nordo suden (Antošovice- Nová Bělá) Ostrava mezuras 20,5 km, de la oriento okcidenten (Bartovice-Krásné Pole) 20,1 km. La longeco de lokaj komunikaĵoj faras 828 km. La sidejo de magistrato estas Nova urbodomo. En la urbo havas sidejon ankaŭ episkopo de diocezo ostrava-opava. Sur teritorio de Ostrava situas kvar urbaj memorigaj zonoj.^[1]

Ostrava elkreskis kiel industria centro de nigrakarba baseno. Pro sia minista kaj metalurgia industrioj en la pasinteco nomata "ŝtala koro de la respubliko", ĝi trairis tra karakterizaj ŝanĝoj post la jaro 1989. Sekve de restrukturaligo de la industrio estis dampita mineja agado kaj lasta karbo estis minita sur teritorio de la urbo en la jaro 1994. Atestanto de la minista pasinteco estas Malsupra regiono Vítkovice, la eksa industria areo kun unika industria arkitekturo aspiranta en enskribon de listo pri Monda heredaĵo de Unesko. En Ostrava troviĝas vico da teatroj, galerioj kaj kulturdomoj. Inter la plej konataj kulturaj agadoj okazigataj en la urbo apartenas muzikaj festivaloj Colours of Ostrava kaj Beats for Love, festivaloj de klasika muziko Internacia muzika festivalo Majo de Janáček kaj Sanktvenceslaa muzika festivalo, Someraj ŝekspiraj solenoj. Ĉiujare okazas ankaŭ atletika konkurso Ora sprintŝuo. Altlernejojn en Ostrava reprezentas Altlernejo mineja - Teknika universitato Ostrava kaj pli ĝenerale celita Ostrava universitato.

La najbaraj municipoj de la setlejo estas Bohumín, Petřvald, Šenov, Vřesina, Čavisov, Stará Ves nad Ondřejnicí, Klimkovice, Vratimov, Velká Polom, Dolní Lhota, Jistebník, Hlučín, Šilheřovice, Ludgeřovice, Dobroslavice, Děhylov, Krmelín, Paskov kaj Rychvald.

Blazono kaj simbolo

La urba blazono estas blazonita: En blua ŝildo sur verda herbejo arĝenta saltetanta ĉevalo kun ora selo kaj ruĝa kovrilo, akompanata maldekstre supre de ora rozo kun verdaj kalikaj folietoj kaj ruĝa semujo. La ĉevalo estas klarigata kiel simbolo de transita situo de la urbo aŭ kiel figuro el blazono de la unua vilaĝestro en Moravia Ostrava, la ora rozo verŝajne devenas el familia blazono de olomouca episkopo Stanislav Thurzo.

Dum kunsido de reprezentantaro la 24-an de septembro 2008 estis aprobita kaj unuafoje prezentita la nova simbolo de la urbo Ostrava, kies aŭtoro estas Studio Najbrt. La simbolo konsistas el helbluaj literoj OSTRAVA akompanataj de tri krisignoj en malhelblua koloro.^[2]

Historio

Pli detalaj informoj troveblas en artikoloj Historio de Ostrava kaj Granda Ostrava.

Devene malgranda vilaĝo estiĝis super rivero Ostrá (hodiaŭ Ostravice), kiu donis al ĝi la nomon kaj ĝis hodiaŭ ĝi dividas ĝin en du bazajn partojn, Moravian Ostravon kaj Silezian Ostravon.

La tiama vilaĝo estiĝis verŝajne en la 13-a jarcento, baldaŭ ĝi fariĝis urbo. La unua skriba mencio estas el la jaro 1279. Ĝis la jaro 1830 la urbo estis ĉirkaŭbarita per remparoj. En la 14-a jarcento la urbon okupis husanoj, en la jaro 1643 konkeris ĝin svedoj. Supraĵa karbominado datiĝas ekde la jaro 1767, kiam forĝisto Keltička ricevis permeson por karbominado. Forĝisto Keltička poste vendis la permeson al posedanto de la pola-ostrava graflando al grafo Wilczek, kies idoj apartenis pli ol unu jarcento inter ĉefaj ministoj de la karbotrovejo apud Rothschildidoj, Gutmannidoj, Norda fervojo de Ferdinando, Larisch-Mönnichidoj kaj habsburkaj arkidukoj el Český Těšín. En la jaro 1828 la posedanto de senjorujo, olomouca ĉefepiskopo Rudolfo Johano, fondis ĉi tie gisejojn nomitaj laŭ li - Gisejo de Rudolfo. Pli poste tiuj ĉi gisejoj transiris en la posedaĵon de familio Rothschildidoj kaj akiris nomon Vítkovice. Kiam en la jaro 1847 ĉi tie fervojo estis finkonstruita, okazis grandega disvolviĝo de karbominado kaj industrio. En la jaro 1844 okazis la unuaj maltrankviloj, en la jaro 1890 jam okazis ĉefstriko, kiu postulis la unuajn viktimojn. En la jaro 1894 okazis ampleksa striko pro okhora labortempo, dum kiu 13 partoprenantoj estis pafmortigitaj. La saman jaron mortis dum minejkatastrofo 235 ministoj. En la jaro 1918 okazis ampleksaj strikoj kaj la 14-an de oktobro 1918 ĉi tie estis proklamita Ĉeĥoslovaka respubliko. En la jaro 1923 estiĝis pere de kuniĝo de Moravia Ostrava, Hrabová kaj Silezia Ostrava kun vico da ministvilaĝoj ampleksa industria centro, kies nomo estis Moravia Ostrava. En la jaroj 1935–1938 en la fabriko Ferfabriko Vítkovice estis fabrikataj multaj konsistaĵoj por ĉeĥoslovakaj antaŭmilitaj fortikaĵoj, precipe muldaĵoj kaj blendaj elementoj. Jam la 14-a de marto de 1939 okupis la urbon naziaj soldataroj.

Post ampleksa kolapso de la giseja kaj kemia industrioj en kombino kun fermado de elminitaj minejoj (sur la teritorio de la urbo oni jam ne plu minas ekde la 30-a de junio 1994) kaj ampleksa investo en rebonigojn de damaĝoj en vivmedio Ostrava karakterize trapuriĝis. Pli emfazas maŝinindustria aktiveco kaj pluaj fakoj. Samtempe ĝi fariĝas elirpunkto por turismaj regionoj Jeseníky kaj Beskydy. Apud centoj de hektaroj da rekultivitaj areoj la urbo havas la tutan vicon de devenaj naturaj lokoj, el kiuj la tuta vico estas konservataj kiel ŝirmataj teritorioj. Temas ezemple pri regionoj Polanka arbaro kaj Polanka ebenaĵo, kiuj estas parto de Protektata pejzaĝa regiono Poodří. Al naturaj raraĵoj sur la teritorio de urbo apartenas ankaŭ migraj ŝtonegoj el sveda granito (devene el Skandinavio). Plua unikaĵo estas ŝutmonto Ema.

Loĝantaro

Divido de urbo

Pli detalaj informoj troveblas en artikolo Administra kaj teritoria evoluo de Ostrava.

Nuntempe kreas urbon Ostravon laŭ ties statuto 23 urbaj partoj. La 14-an de septembro 1990 Nacia komitato de urbo Ostrava decidis, ke Ostrava estos dividita je 22 partoj (kun valideco ekde la 24-a de novembro 1990). La 1-an de januaro 1994 apartiĝis de Poruba la plej maljuna urba disktrikto - Plesná. Kelkaj partoj ensumigas pli da katastraj teritorioj.

Flago	Urba parto	Lokaj partoj	Katastra teritorio
	Hošťálkovice		Hošťálkovice
	Hrabová		Hrabová
	Krásné Pole		Krásné Pole
	Lhotka		Lhotka u Ostravy
	Mariánské Hory kaj Hulváky	Hulváky, Mariánské Hory	Mariánské Hory, Zábřeh-Hulváky
	Martinov		Martinov ve Slezsku
	Michálkovice		Michálkovice
	Moravia Ostrava kaj Přívoz	Moravia Ostrava, Přívoz	Moravia Ostrava, Přívoz
	Nová Bělá		Nová Bělá
	Nová Ves		Nová Ves u Ostravy
	Ostrava-Sudo	Bělský Les, Dubina, Hrabůvka, Výškovice, Zábřeh	Dubina u Ostravy, Hrabůvka, Výškovice u Ostravy, Zábřeh nad Odrou
	Petřkovice		Petřkovice u Ostravy
	Plesná		Nová Plesná, Stará Plesná
	Polanka nad Odrou		Polanka nad Odrou
	Poruba		Poruba, Poruba-sever
	Proskovice		Proskovice
	Pustkovec		Pustkovec
	Radvanice kaj Bartovice	Bartovice, Radvanice	Bartovice, Radvanice
	Silezia Ostrava	Antošovice, Heřmanice, Hrušov, Koblov, Kunčice, Kunčičky, Muglinov, Silezia Ostrava	Antošovice, Heřmanice, Hrušov, Koblov, Kunčice nad Ostravicí, Kunčičky, Muglinov, Silezia Ostrava
	Stará Bělá		Stará Bělá
	Svinov		Svinov
	Třebovice		Třebovice ve Slezsku
	Vítkovice		Vítkovice, Zábřeh-VŽ

Transporto

Publika transporto

Pli detalaj informoj troveblas en artikoloj Tramtransporto en Ostrava, Trolebusa transporto en Ostrava kaj Urba aŭtobusa transporto en Ostrava.

Preĝejo de sankta Venceslao en Ostrava

Hotelo Imperial en Ostrava

Muzeo en Ostrava

En kvartalo Ostrava-Svinov

Urbaj partoj en Ostrava kun blazonoj

Vido al la urba blazono plantita antaŭ Nova urbodomo

Strato Nádražní en Moravia Ostrava en 2009

En Ostrava tramoj komencis veturi en la jaro 1894, kiam estis komencita trafiko de vapora tramo. La iom post iom disvatiĝanta reto estis en la jaro 1901 elektrizita. Novaj tramvojoj estis konstruitaj precipe suden kaj orienten de la urbocentro, por ke ili ne transkovriĝu kun reto de mallarĝtrakaj tramvojoj inter Ostrava, Karviná kaj Bohumín. En la jaro 1934 estis elektrizita tramvojo en Vítkovice, kiun trafikis Vítkovica mineja kaj metalurgia minado. Je interŝanĝo de la 40-aj jaroj kaj la 50-aj jaroj ĉiuj kompanioj trafikantaj la elektrajn tramvojojn kunigitaj en Transportan entreprenon Ostrava. Dum socialismo estis konstruitaj tramvojoj al urbopartoj (Poruba) kaj al fabrikoj (Nova gisejo). Post renverso en la jaro 1989 la konstruado de tramvojoj estis haltigita. Fine de la 90-aj jaroj estis ankoraŭ malfermita sektoro laŭlonge strato Místecká. Nuntempe la tramtransporto en Ostrava apartenas al la plej modernaj en Ĉeĥio.

Trafiko de trolebusoj komenciĝis, simile kiel en multaj aliaj ĉeĥaj urboj post la dua mondmilito, konkrete en la jaro 1952, kiam estis trafikigita ronda trolebusa vojo ĉirkaŭ la urbocentro. En la 50-aj jaroj kaj la 60-aj jaroj la trolebusa transporto iom post iom forpuŝas la mallarĝtrakajn tramvojojn el la urbo. Fine de la 70-aj jaroj estis konstruita trolebusa linio al urboparto Fifejdy. La plilongigado de la reto finiĝis nur en duono de 90-aj jaroj, kiam trolebusoj unuafoje aperis en Koblov.

Hodiaŭ en Ostrava estas 17 tramlinioj, 9 trolebuslinioj kaj 59 buslinioj. Ĉefa transporta entrepreno estas Transporta entrepreno Ostrava

Oni planas ankaŭ kunigon de Ostrava kun odra akva transporto kiel parto de konstruado de Kanalo Danubo-Odro-Elbo.^[3]

Proksime de Ostrava en distanco proksimume 20 km de la urbocentro troviĝas Flughaveno de Leoš Janáček Ostrava (IATA kodo: OSR).

Kulturo kaj arto

En Ostrava estas kvar daŭraj teatroj. Apartenas inter ili Nacia teatro moraviasilezia, kiu havas du scenejojn (Teatro de Antonín Dvořák kaj Teatro de Jiří Myron), plu Teatro de Petr Bezruč, Kamera scenejo Areno kaj Teatro de marionetoj Ostrava, kie okazas ĉiujare marioneta festivalo Spectaculo Interesse Ostrava kaj ĉiun malparan jaron festivalo Teatra pilgrimo sen barieroj.

Agadas ĉi tie internacie agnoskata Filharmonio de Janáček Ostrava. Ĉiujare okazas internacia festivalo de klasika muziko - Internacia muzika festivalo Majo de Janáček. En la jaro 1999 harpistino Jana Boušková fondis internacian festivalon Harpaj tagoj Ostrava. En Ostrava okazas muzikaj festivaloj ekde la jaro 2002 Colours of Ostrava kaj ekde 2013 Beats for Love.

En Ostrava ekzistas vico da galerioj. Historie la plej malnova estas Galerio de belartoj kun sidejo en Domo de artoj, kiu administras signifajn kolektojn de la ĉeĥa kaj la monda artoj de la 19-a kaj la 20-a jarcento kaj verkoj de regionaj artistoj.

En 2009 Ostrava anoncis sian kandidatecon por Eŭropa ĉefurbo de kulturo en 2015.

Junularo

Enkadre de Ostrava funkcias Parlamento de infanoj kaj junularo de urbo Ostrava, kiu kunigas reprezentantojn de la ostravaj lernejoj el vico de junularo, ĝi ebligas al ili interŝanĝon de opinioj kaj instigas la ostravan junularon al aktiva eluzo de libera tempo (per formo de propraj agadoj kaj agadoj de siaj partneroj). La partnero de la parlamento estas ekzemple Magistrato de urbo ostrava, Regiona oficejo de Moraviasilezia regiono aŭ Amnesty International. Nombro de membroj moviĝas ĉirkaŭ cent, la parlamenton gvidas naŭmembra konsilantaro. Siajn reprezentantojn la parlamento elsendas al regionaj renkontiĝoj kaj ĝi havas tri delegitojn de Nacia parlamento de infanoj kaj junularo de Ĉeĥio. ondita ĝi estis la 27-a de aprilo 2007 en Nova urbodomo sub ŝirmo de Petr Kajnar, la tiutempa primatoro de Ostrava

Memorindaĵoj

Ĉefaj rimarkindaĵoj en la centro de la urbo estas nova urbodomo kun turo 85 m alta, en parko de Komenský staras monumento kun maŭzoleo de 656 ruĝarmeanoj kaj 5 anoj de la 1-a ĉeĥoslovaka tanka brigado. La monumento estas nacia kultura memorigaĵo. Malnova urbodomo el la 16-a jarcento, en la 17-a ĝis la 18-a jarcentoj rekonstruata, nun kreas ostravan muzeon. En la urbo troviĝas ankaŭ novrenesanca templego, kiu ampleksas 4 000 personojn. En Silezia Ostrava estas burgoruino el la 14-a jarcento.

Verkistoj Vojtěch Martínek, A. C. Nor, poeto Petr Bezruč kaj aliaj dediĉis siajn verkojn al Ostrava-regiono. En Ostrava troviĝas ankaŭ Galerio de belartoj – la ĉeĥa skulptarto kaj pentrarto de la 19-a kaj la 20-a jarcentoj, kio estas unu el la plej pretendema instalaĵoj de eminentaj verkoj de la ĉeĥaj belartistoj (Domo de arto). Hodiaŭ ĉi havas sidejon Mineja altlernejo, pedagogia fakultato, faklernejoj ka. Ostrava estas ankaŭ regiona sidejo de regiono Moravia-Silezia Regiono.

En spacon Černá louka (Nigra herbejo) estis translokigitaj "Ŝtonegoj el Rovniny" – tio estas grupo de granitaj migraj ŝtonegoj, kreata naturmemorigaĵon. Migra ŝtonego, ankaŭ naturmemorigaĵo, en urboparto Kunčice estas la plej granda en Ĉeĥio.

Sporta historio de Ostrava

ČEZ Areno

Ostrava en sia historio gastis la tutan vicon de sportaj eventoj. Inter la plej signifaj el ili apartenas:

• 1986: MP en virina flugpilkado
• 1987: MP en halterlevo
• 1990: MP en vira manpilkado
• 1992: EP en korpokulturado
• 1993: MP de junuloj en glacihokeo
• 2001: EP en vira flugpilkado
• 2003:
  • EP en futsalo
  • MP de junuloj en arta sketado
• 2004:
  • EP en futsalo
  • MP de junuloj en latin-amerikaj dancoj
  • MP en glacihokeo
• 2005:
  • EP en futsalo
  • MP en latin-amerikaj dancoj
• 2006:
  • EP en konkurso de Teamgim
  • MP en vira korpokulturado
• 2007:
  • la unua raŭndo de monda grupo de Davis Cup
  • MP de junularo ĝis 17 jaroj en atletiko
• 2008: MP en vira florbalo - bazaj grupoj
• 2011: EP en atletiko ĝis 22 jaroj

Klarigoj:

MP - Monda Pokalo

EP - Eŭropa Pokalo

Krom tio en Ostrava ĉiujare okazas atletika renkontiĝo Ora sprintŝuo Ostrava, nome de la jaro 1961.

Partneraj urboj

Teatro de Antonín Dvořák en Ostrava

• Volgogrado, Rusio (1949)
• Coventry, Unuiĝinta Reĝlando (1957, renovigita en 1990)
• Katowice, Pollando (1960, renovigita en 1996)
• Dresdeno, Germanio (1971, renovigita en 1995)
• Split, Kroatio (1976)
• Pireo, Grekio (1997)
• Košice, Slovakio (2001)
• Miskolc, Hungario (2001)
• Pittsburgh, Usono (2001)
• Wodzisław Śląski, Pollando (2005)

Famaj naskiĝintoj

• Vlastimil Brodský – aktoro
• Slávka Budínová – aktorino
• Bořivoj Čelovský – historiisto
• Oldřich Daněk – dramatikisto
• Karel Fiala – aktoro
• Ota Filip – verkisto
• Tomáš Galásek – futbalisto
• Ilja Hurník – muzika komponisto
• Věra Chytilová – reĝisorino
• Marek Jankulovski – futbalisto
• Valentin Bernard Jestřábský – romkatolika pastro, predikisto kaj baroka komponisto
• Zdeněk Jirotka – verkisto
• Martina Kociánová – televida moderatorino
• Richard Krajčo – aktoro kaj kantisto
• Ivan Lendl – tenisto
• Artur London – politikisto kaj publicisto
• Vojtěch Martínek – verkisto
• Otmar Mácha – muzika dramisto
• Jaromír Nohavica – kanzonisto
• Karel Pstružina – filozofo
• Karel Reisz – filma reĝisoro
• Marie Rottrová – kantistino
• Jiří Rusnok – politikisto
• Hana Zagorová – kantistino
• Vilém Závada – poeto
• Lubomír Zaorálek - vicprezidanto de DSP ĈR

Esperantistoj

• Miroslav Grena
• Karel Janouš
• Drahomír Kočvara
• Petr Tomašovský

Vidu ankaŭ

• Ostrava baseno
• Ostrava operaco
• Kumar Vishwanathan
• Karolina

Referencoj

Eksteraj ligiloj

• Oficiala retejo

Statutaj urboj en Ĉeĥio 100 000+ Brno ~ Liberec ~ Olomouc ~ Ostrava ~ Plzeň ~ Prago 70 000+ České Budějovice ~ Havířov ~ Hradec Králové ~ Pardubice ~ Ústí nad Labem ~ Zlín 30 000+ Děčín ~ Frýdek-Místek ~ Chomutov ~ Jablonec nad Nisou ~ Jihlava ~ Karlovy Vary ~ Karviná ~ Kladno ~ Mladá Boleslav ~ Most ~Opava ~ Prostějov ~ Přerov ~ Teplice ~ Třinec

Urboj kaj municipoj de Teŝinio Municipoj de ĉeĥa parto de tiu ĉi regiono: Albrechtice• Bocanovice • Bohumín • Bruzovice • Bukovec • Bystřice • Český Těšín • Chotěbuz • Dětmarovice • Dobrá • Dolní Domaslavice • Dolní Lomná • Dolní Lutyně • Dolní Tošanovice • Dobratice • Doubrava • Havířov • Hnojník • Horní Bludovice • Horní Domaslavice • Horní Lomná • Horní Suchá • Horní Tošanovice• Hrádek • Hrčava • Jablunkov • Janovice • Kaňovice • Karviná • Komorní Lhotka • Košařiska • Krásná • Lučina • Malenovice • Milíkov • Morávka • Mosty u Jablunkova • Návsí • Nižní Lhoty • Nošovice • Nýdek • Orlová • Pazderna • Petrovice u Karviné • Petřvald • Písečná • Písek • Pražmo • Pržno • Raškovice • Řeka • Řepiště • Ropice • Rychvald • Sedliště • Šenov • Smilovice • Soběšovice • Staré Město • Stonava • Střítež • Těrlicko • Třanovice • Třinec • Václavovice • Vělopolí • Vendryně • Vojkovice • Vratimov • Vyšní Lhoty • Žermanice Parte: Baška • Frýdek-Místek • Ostrava • Staré Hamry Municipoj de pola parto de tiu ĉi regiono: Bąków • Bażanowice • Bielowicko • Biery • Bładnice • Brenna • Bronów • Brzezówka • Chybie • Cieszyn • Cisownica • Czechowice-Dziedzice • Dębowiec • Drogomyśl • Dzięgielów • Frelichów • Godziszów • Goleszów • Górki Małe • Górki Wielkie • Grodziec • Gumna • Harbutowice • Hażlach • Iłownica • Iskrzyczyn • Istebna • Jasienica • Jaworze • Jaworzynka • Kaczyce • Kiczyce • Kisielów • Kończyce Małe • Kończyce Wielkie • Koniaków • Kostkowice • Kowale • Kozakowice • Łączka • Landek • Łazy • Leszna Górna • Ligota • Marklowice Górne • Mazańcowice • Międzyrzecze Dolne • Międzyrzecze Górne • Międzyświeć • Mnich • Ochaby • Ogrodzona• Pierściec• Pogórze • Pogwizdów • Pruchna • Puńców • Roztropice• Rudnik • Rudzica • Simoradz • Skoczów • Strumień • Świętoszówka • Ustroń • Wieszczęta • Wilamowice • Wiślica • Wisła • Zabłocie • Zaborze • Zabrzeg • Zamarski • Zarzecze • Zbytków • Zebrzydowice Parte: Bielsko-Biała, Bystra Rilataj artikoloj: Ĉeĥoslovaka-pola disputo je Teŝinio, Teŝina dialekto, Teŝina princlando, Listo de teŝinaj princoj, Olše, Homoj el Teŝina Silezio, Zaolzie