| Ossa de Montiel | |||
|---|---|---|---|
 | |||
| municipo en Hispanio | |||
| Administrado | |||
| Poŝtkodo | 02611 | ||
| En TTT | Oficiala retejo [+] | ||
| Demografio | |||
| Loĝantaro | 2 209 (2023) [+] | ||
| Loĝdenso | 9 loĝ./km² | ||
| Geografio | |||
| Geografia situo | 38° 58′ N, 2° 45′ U (mapo)38.9624133-2.745302Koordinatoj: 38° 58′ N, 2° 45′ U (mapo) [+] | ||
| Alto | 901 m [+] | ||
| Areo | 243,71 km² (24 371 ha) [+] | ||
| Horzono | UTC+01:00 [+] | ||
 | |||
| |||
|
| |||
| Alia projekto | |||
 Vikimedia Komunejo Ossa de Montiel [+] | |||
Ossa de Montiel estas municipo de Hispanio apartenanta al la provinco Albacete, en la aŭtonoma komunumo Kastilio-Manĉo. Ĝi apartenas al la komarko Sierra de Alcaraz kaj Campo de Montiel en la okcidento de la provinco, sed en la nordo de la parto Kamparo de Montiel. Estas areo de 243,50 km² je 901 msm kaj je 85 km de Albacete, nome provinca ĉefurbo.
Ossa de Montiel havas 2 307 loĝantojn (2019) kun denseco de 9,9.
Historio
Dum ses jarcentoj ĝi estis parto de la iama "Campo de Montiel": el komenco de la 13a jarcento, post la konkero de tiu teritorio fare de kristanoj kaj ĝis 1833 kiam okazas la provinca divido ankoraŭ valida. Tiam ĝi iĝis la nura municipo de la Kamparo de Montiel kiu integriĝis en la provinco Albacete, dum la cetero ekformis parton de la provinco Ciudad Real.
En la mezo de la 20a jarcento oni superis pinton de 3000 lokanoj, sed poste okazis elmigrado kaj oni alvenis al nunaj pli ol 2000.
Vidindaĵoj
Preĝejo de Sankta Maria Magdalena, kun bela sonorilmuro kaj mudeĥara kasonaro. La Kavo de Montesinos estas je 5 km de la urbo en direkto al la Lagetoj de Ruidera. Miguel de Cervantes centrigis la disvolvigon de la 22a ĉapitro de la dua parto de Don Quijote de la Mancha en tiu kavo.
Je 7 km de la urbo estas la Kastelo de Rochafrida, kiu enhavas restojn klare de visigotoj, sed rekonstruita dum la epoko de Al Andalus en la 12a jarcento. Granda parto de la Natura Parko Lagunas de Ruidera apartenas al tiu municipo.
Ekonomio
La ĉefa elemento de la loka ekonomio estas turismo. La lagetoj de Ruidera, kiuj troviĝas parte en ĝia municipa teritorio, estas grava turisma altiro. La Natura Parko disponas de ampleksa propono por distrado. Alia grava altiro estas la proksimeco de la monumenta kaj arta urbo de Alcaraz.
La dua grava ekonomia sektoro estas la agrikulturo, ĉefe de vitejoj kaj cerealoj. La sektoro de la konstruado konstituis gravan parton de la ekonomio ĝis ekdekadencis pro la alveno de la ekonomia krizo.