| Osijek-Baranja | |
|---|---|
| Osječko-baranjska županija | |
 |
 |
| Mapo | |
 | |
| Pliaj informoj | |
| Sidejo: | Osijek |
| Areo: | 4 155 km² |
| Loĝantaro: (2001) | 330 506 |
| ISO 3166-2: | HR-14 |
| Telefona antaŭkodo: | +385 031 |
| Estro (župan): | Vladimir Šišljagić |
| Oficiala retejo: | www.obz.hr |
Provinco Osijek-Baranja (kroate: Osječko-baranjska županija) estas unu el la provincoj de Kroatio. Ĝi situas en la oriento de la lando kaj limas norde al Hungario kaj oriente al Serbio.
La administra sidejo kaj plej granda urbo de la provinco estas la samnoma urbo Osijek. La provinco konsistas el 7 urboj kaj 35 pliaj komunumoj. La urboj estas:
- Beli Manastir
- Belišće
- Donji Miholjac
- Đakovo
- Našice
- Osijek (sidejo)
- Valpovo
La norda parto de la provinco, norde de Dravo, apartenas al regiono Baranja; ĝi formas triangulon inter Dravo kaj Danubo. La ceteraĵo de Baranja konsistigas la hungaran provincon Baranya.
En la censo de 2001 registriĝis relative fortaj etnaj malplimultoj de serboj (8,73 %) kaj hungaroj (2,96 %).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.