Orrios
municipo en Hispanio
Flago	Blazono
Administrado
Poŝtkodo	44161
Demografio
Loĝantaro	122  (2023) [+]
Loĝdenso	3 loĝ./km²
Geografio
Geografia situo	40° 35′ N, 0° 59′ U (mapo)40.5871985-0.98730499999999Koordinatoj: 40° 35′ N, 0° 59′ U (mapo) [+]
Alto	1 046 m [+]
Areo	44,229778 km² ( 442 2.9 778 ha) [+]
Horzono	UTC+01:00 [+]
Orrios (Provinco Teruelo) DEC Orrios Situo de Orrios
Orrios (Hispanio) DEC Orrios Situo de Orrios
Alia projekto
Vikimedia Komunejo Orrios [+]

Orrios [Orjos] estas vilaĝo kaj municipo de la provinco Teruelo (nordorienta Hispanio), nome en la suda komarko Komunumo de Teruelo, kies komarka ĉefurbo estas la provinca ĉefurbo mem, Teruelo.

Geografio

Ĝi estas je 33 km de Teruelo, provinca ĉefurbo. Al Teruelo alvenas de nordo tri ŝoseoj, de sudo aliaj tri kaj unu okcidente el Gea de Albarracín. El la tri nordaj, tiu centra nome N-420 venas laŭ la valo de la rivero Alfambra. Laŭ tiu, Orrios estas la kvara plej proksima municipo al la ĉefurbo inter Alfambra kaj Perales del Alfambra. La municipa teritorio estas trapasata de la nacia ŝoseo N-420, inter la km 611 kaj 614.

La orografio de la municipo estas markita de la rivero Alfambra kaj la neregula tereno kiu ĉirkaŭas ĝin, pere de nombraj ravinoj kiuj enfluas en la riveron. La altitudo gamas inter 1502 msm en la orienta pinto kaj 1040 msm borde de la rivero. La loĝloko mem kuŝas je 1046 msm.^[1]​

La municipa teritorio limas jene:

Nordokcidente: Perales del Alfambra	Norde: Perales del Alfambra	Nordoriente: Galve
Okcidente: Alfambra		Oriente: Aguilar del Alfambra
Sudokcidente: Alfambra	Sude: Alfambra y Escorihuela	Sudoriente: Ababuj

Historio

La zono venis al posedo de kristanoj post la venko de Alfonso la 1-a la Batalema en la batalo de Cutanda. Sed eble la kristanoj perdis ĝin dum la krizo kiu sekvis la morton de Alfonso la 1-a. Nur dum la regado de Alfonso la 2-a de Aragono estis klara dominado fare de kristanoj.

Aktualo

Bazo de ekonomio estis agrikulturo (cerealoj) kaj brutobredado. Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj tiukadre ankaŭ en Orrios oni malaltiĝis ĝis nunaj 130 loĝantoj.

Vidu ankaŭ

• Municipoj de la provinco Teruelo

Notoj

Eksteraj ligiloj