Ne konfuzu ĉi tiun artikolon kun Olivenito aŭ Olivino.
Olivinito (verda) sur bazalto (nigra)

En geologio, olivinito[1] aŭ dunito estas vulkana petro konsistanta ĉefe el olivino.

Priskribo

Diagramo (anglalingva) de kontinuaĵo de vulkanaj petroj. La ekstremo plejparte olivina nomiĝas olivinito.

Ekzistas dudimensia kontinuaĵo de vulkanaj petroj, konsistanta el miksaĵo de olivino, ortopirokseno, kaj klinopirokseno. La ekstremo de tiu kontinuaĵo, konsistanta ĉefe el olivino kun nur malmulte da piroksenoj, nomiĝas olivinito.

Lokoj

En Ameriko, olivinito troviĝas en Monto Twin Sisters apud Monto Baker en Vaŝingtonio, Usono, kaj ankaŭ en suda Brita Kolumbio, Kanado. En Eŭropo, olivinito troviĝas en Kipro.

Referencoj

  1. ↑ olivinit/o (esperante). Plena Ilustrita Vortaro de Esperanto.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.