Listo de aktualaĵoj aperintaj en oktobro 2007:

Merkredo, 31-a de oktobro 2007

• Publikigita verdikto pro la teroristaj atakoj el la 11-a de marto 2004 en Madrido. Estis kondamnitaj 21 homoj, inter kiuj du al po pli ol 40.000 jaroj de prizono.
• Junulo konfesas kulpon pri brulego en Kalifornio, kiu detruis ĉirkaŭ 153 km². Li ludis kun alumetoj, kiam la brulego komenciĝis. La junulo estis liberigita sub gardo de siaj gepatroj. Liaj nomo kaj aĝo ne estis malkaŝitaj.

Mardo, 30-a de oktobro 2007

• FIFA anoncas, ke Germanujo gastigos la Futbalan Mondĉampionadon de Virinoj en 2011 kaj Brazilo la Viran Futbalan Mondpokalon de 2014.

Dimanĉo, 28-a de oktobro 2007

Argentinanoj elektas kiel prezidantinon Cristina Fernández de Kirchner. Ŝi estas la unua virino, kiu prezidos la landon. Duan lokon en la elekto okupis Elisa Carrió.

Sabato ,27-a de oktobro 2007

• 100-jara datreveno de la Ĉernova tragedio, slovaka parlamento akceptas memorleĝon pri tio.

Lundo, 22-a de oktobro 2007

• Post elektoj al la parlamento (sejmo kaj senato) en Pollando venkis la Platforma Obywatelska (Civitana Platformo) kun la gvido de Donald Tusk. Post ili plej multe da voĉoj ricevis Prawo i Sprawiedliwość, Lewica i Demokraci kaj Polskie Stronnictwo Ludowe. La frekvenco estis 53,8%.

Dimanĉo, 21-a de oktobro 2007

• En kaverno apud Moskvo grupo de amatoraj speleologoj, en profundeco de ĉirkaŭ 30 metroj, aranĝis diskotekon. Tamen la benzina elektrogenerilo, kiun ili kunhavis, ekbrulis. Ĉiuj 70 partoprenintoj de la subtera festo estas savitaj, dek el ili estas en malsanulejo, venenigitaj de brulproduktoj.

Vendredo, 19-a de oktobro 2007

• Yahoo!, Google kaj Live Search estas blokitaj en Ĉinio. Anstataŭ tiuj interretaj servoj ĉe iliaj adresoj aperas ĉina serĉa servo Baidu.

Merkredo, 17-a de oktobro 2007

• Oni atribuas al Tenzin Gjaco, la 14-a Dalai-lamao, la usonkongresan ormedalon.

Mardo, 16-a de oktobro 2007

• Mortas la aktorino Deborah Kerr

Mardo, 9-a de oktobro 2007

• Irakaj aŭtoritatoj petas Usonon pri fino de ĉiuj kontraktoj kun la firmao de sekureco Blackwater por operacioj en Irako, kies agentoj estas akuzitaj pro murdo de pluraj civitanoj en Bagdado en septembro .