Ofendo estas parolo aŭ ago, kiu ofendas, do kiu kolerigas aŭ ĉagrenas iun, malrespektante ties dignon, aŭ pli ĝenerale malrespektas ies senton.[1] En multaj naciaj lingvoj, ekzemple la germana, estas nur unu vorto por ofendo kaj insulto, sed en Esperanto estas diferenco: insulto estas en klare ofenda intenco dirita fi-vorto, dum ofendo eble okazas tute malintence, tute sen kulpa celo: do precipe estas la sento de ofendiĝo en la aliulo, kiu difinas kiom ofenda estis parolo aŭ ago. Sinonimoj de la verbo ofendi do estas ekzemple kontuzi, skandali, ŝoki, vundi kaj indignigi.

Kelkaj ekzemploj el la esperanta proverbaro: [1]

Citaĵo
„ Postulo ne pretendas, rifuzo ne ofendas- ”
— Zamenhofo
Citaĵo
„ Saĝulo ignoras ofendon. ”
— Zamenhofo
Citaĵo
„ Al li ne mankas defendo kontraŭ ofendo! ”
— Zamenhofo
Citaĵo
„ Mi esperas, ke vi ne ofendiĝos, se mi rifuzos. ”
— Zamenhofo

Vidu ankaŭ

Referencoj

  1. 1 2 difinoj de ofendo, ofenda, ofendi kaj ofendiĝi en PIV 2020 (esperante)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.