| Observatorio Starkenburg | |
| Observatorio | |
| Oficiala nomo: Starkenburg-Sternwarte | |
| Lando |  Germanio |
|---|---|
| Municipo | Heppenheim |
| Supermara alteco | 256 m s. m. |
| Koordinatoj | 49° 38′ 48″ N 8° 39′ 7″ O / 49.64667 °N, 8.65194 °O (mapo) |
 Situo de la observatorio en Germanio  Situo de la observatorio en Germanio
| |
 Vikimedia Komunejo: Starkenburg Observatory | |
| Retpaĝo: http://www.starkenburg-sternwarte.de/ | |
La Observatorio Starkenburg estas observatorio por amatoraj astronomoj en Germanio proksime de Heppenheim, regiono Bergstraße en suda Hesio. Ĝia MPC kodo estas 611[1]. Tie estas faritaj observadoj de amatora astronomio kaj publikaj agadoj de eduko pri sciencoj.
Historio
Ĝi estis konstruita pro iniciato de Alfred Sturm kaj Martin Geffert kiuj establis la Observatorion de Starkenburg en 1970, la konstruado komencis ĉe la piedo la burgo Starkenburg.
En 1973, la asocio "Astronomia Laborgrupo en la Kultura Rondo Heppenheim" („Astronomischer Arbeitskreis im Kulturkreis Heppenheim e. V.“) estis kreita kaj la „Starkenburg-Sternwarte e. V.“ estis transdonita en 1991 al la asocio.
Instrumentoj kaj esploroj
En la observatorio estas:
- Refraktoro de 0,20 m de diametro,
- Refraktoro de 0,15 m,
- Refraktoro de 0,10 m,
- Teleskopo "Meade LX 200" de 0,30 m
- Fotilo kun granda kampo de 0,19 m
- Schmidt-teleskopo de 0,14 m,
- Neŭtona teleskopo de 0,45 m.
Tiu-ĉi lasta instrumento, sub kupolo de 5 m de diametro, estas ekipita per CCD-aj lumkaptiloj. Per ĝi la observatorio partoprenis de 1995 je la observo kaj serĉo de asteroidoj: 44 asteroidoj estis elde tie malkovritaj.[2] La unua asteroido tie malkovrita, la 1-a de aprilo 1997 estis nomita 14080 Heppenheim.[3]
Ekde 1977 la Observatorio de Starkenburg ankaŭ plenumas radioastronomiajn observojn. Por tiu celo, la observatorio lastatempe ekipiĝis per radioteleskopo en aparta konstruaĵo.[4]
Eventoj
Per multenombraj publikaj eventoj kaj prelegoj, la anoj de la Observatorio de de Starkenburg kontribuas al la eduko pri astronomio de la loĝantaro. Kiam la vetero estas klara, la publiko povas ĉiuj vendredoj observi la ĉielon per la observatoriaj instrumentoj.
La Kongreso de Eŭropa Radioastronomio kunvenis tie en 1997[5] kaj 2003.[6]
La asteroido 6864 Starkenburg[7] estis nomita en honoro de la observatorio.
Notoj kaj referencoj
- ↑ Kodoj de la Observatorioj (Minor Planet Center)
- ↑ MPC listo de asteroidaj malkovrintoj(angle)
- ↑ La asteroido 14080 Heppenheim, de IAU Minor Planet Center (angle)
- ↑ Die radioastronomische Empfangsanlage, el la paĝaro de la Observatorio (germane)
- ↑ Eŭropa kunveno de Radio Astronomio 1997 (angle)
- ↑ Eŭropa kunveno de Radio Astronomio 2003 (angle)
- ↑ La asteroido (6864) Starkenburg, de IAU Minor Planet Center (angle)
Vidu ankaŭ
- Kategorio:Malkovrita de Observatorio de Starkenburg