Obsedo estas libro de poezio de Karolo Piĉ, eldonita de Artur E. Iltis en Saarbrücken, 1984.
Enhavo
La poemaro konsistas el 114 mallongaj poeziaĵoj de naŭsilabaj versoj.
Laŭ la fina postparolo de la aŭtoro mem, oni agnoskas la paralelecon aŭ komplementecon de tiu verko al la romano La Litomiŝla Tombejo. Ĉio okazas same en la ĉeĥa urbo Litomiŝl, kaj la sinsekvo de la poeziaĵoj laŭiras la jarsezonojn nome vintro (26 pecoj), printempo (34), somero (26) kaj aŭtuno (28). Evidentiĝas pli da atento al la plej inspirigaj sezonoj nome printempo kaj duarange aŭtune. La literatura tradicio respegulas en senhomaj urbaj panoramoj de stratetoj, placoj kaj arkadoj, kie resonas kalkanumoj de virinoj aŭ kie videblas lumetoj ĉu de lanternoj ĉu el fenestroj. La sezonoj montras sian plej arketipan karakteron frosto, neĝo, pluvo ktp.
La titolo aludas al la obsedoj aŭ, alimaniere dirite, ripetemo de samaj temoj aŭ motivoj: nome la urbo, la lumoj, la pluvo, la deziro al virinoj, obsede kun du pintaj mamoj, aŭ eĉ al junulinoj, kies jupojn levas la vento ktp. La aŭtoro mem rekonas tiun ripetemon en la postparolo. Tiu klasikemo kontrastas kun la lingva aliro al propra lingvaĵo esperantoreformema, kiu estas defendita per 18paĝa klarigaro dum la postparolo mem havas nur 3 paĝojn. Tia reformemo ne temas nur pri simplaj neologismoj (ankaŭ) sed ankaŭ pri afiksoj, prepozicioj kaj aliaj gramatikaĵoj.
Fonto
- Obsedo, Karolo Piĉ, eldonita de Artur E. Iltis en Saarbrücken, 1984