Por aliaj signifoj, bv. rigardi la apartigilan paĝon: Oberdorf
Oberdorf
Blazono de Oberdorf
Ĉefstrato de Oberdorf
komunumo en Svislando
Kantono Bazelo Kampara
DistriktoWaldenburg
Koordinatoj 47° 23′ 32″ N 7° 45′ 5″ O / 47.39222 °N, 7.75139 °O / 47.39222; 7.75139 (mapo)Koordinatoj: 47° 23′ 32″ N 7° 45′ 5″ O / 47.39222 °N, 7.75139 °O / 47.39222; 7.75139 (mapo)
Nombro de loĝantoj2280
Areo6,19 km²
Alteco493 m super marnivelo
Poŝtkodo4436
Komunumkodo2892
Mapo de Oberdorf

Pri la komunumo

Oberdorf estas komunumo en la distrikto Waldenburg en Kantono Bazelo Kampara, Svislando. Ĝi havis 2280 loĝantojn je la 31-a de decembro 2008.

Geografio

Oberdorf situas en la Waldenburgvalo ĉe la bordo de la rivero Vordere Frenke inter Waldenburg kaj Liestal.

Najbaraj komunumoj

La komunumo Oberdorf limas en nordo al Niederdorf, en oriento al Bennwil, en sudoriento al Langenbruck, en sudo al Waldenburg, en sudokcidento al Liedertswil, kaj en nordokcidento al Titterten.

Trafiko

La vilaĝo situas ĉe la strato trans la Supra Hauensteinpasejo, kiu konektas la kantonojn Bazelo Kampara kun Soloturno. Tra la vilaĝo pasas la kampara tramlinio de la tiel nomita Waldenburg-Fervojo, per kiu la komunumo bone estas konektita al la publika trafikreto.

Historio

La unua dokumenta mencio de Oberdorf datiĝas el la jaro 1345 per la vortumo Onoltzwil in dem obern ... dorff. La vilaĝo estis origine parto de la malaperinta vilaĝo Onoldswil, kiu en la jaro 1295 estis detruita de montfalo kaj disigita al Niederdorf kaj Oberdorf. Onoldswil jam menciiĝis en la jaro 835 kiel Honoltesuuilare.

Dum la Bazela Kantondisiĝo Oberdorf luktis ĉe la flanko de la urbo Bazelo. Tamen ĝi estis kontraŭ sia volo aligita al la nova Kantono Bazelo Kampara en la jaro 1833.

Vidu ankaŭ

Eksteraj ligiloj

Bildoj


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.