NR
NomoNovjara Renkontiĝo
RegionoGermanio
PeriodoJarfino
OrganizantoEsperantoLand
Ekzistas ekde2001
Celgrupograndparte: junularo kaj familioj
Informa retpaĝoNR-paĝo
Fota retpaĝoNR-2008/09-fotopaĝo

La Novjara Renkontiĝo (NR) estas ĉiujara Esperanto-renkontiĝo, organizata ekde 2002.

Escepte de la 1-a fojo, kiam la evento gastis en urbo norde de Berlino, do en regiono proksime al Pollando, la renkontiĝo ĝis nun ĉiam okazis en relative okcidenta loko de Germanio, facile atingebla de Nederlando, Belgio, Luksemburgio, Francio kaj Svislando. La eventon organizas la germana asocio EsperantoLand, kies gvidanto estas Lu Wunsch-Rolshoven. La infanan kaj junularan programon aranĝis dum multaj jaroj Christoph Frank, parte kun lia edzino Ines Frank; intertempe ĉefe Nicky Janssen kaj Valère Doumont ofertas programerojn por infanoj kaj junuloj. Christoph Frank kutime surscenigas (pup-)teatraĵon. La planadon kaj surlokan organizadon de la programo ekde proksimume 2008 faras Betti Maul. La teknikan aranĝon de la programeroj dum deko da jaroj ĝis 2022 prizorgis Klaus Rumrich kun kelkfoja helpo de junuloj kaj aliaj.

Unu el pluraj jarfinaj kunvenoj

En Germanio la Esperanto-parolantoj ĝis fino de 2008 festis dum la jarfinaj tagoj krom en NR ankaŭ en la pli tradiciaj renkontiĝoj IS (Internacia Seminario/Semajno) kaj IF (Internacia Festivalo). Ekde la jarfino 2006 ankaŭ AS (Ago-Semajno) de la Pola Esperanto-Junularo atingis pli ol 150 partoprenantojn, ĉefe junuloj kaj junaj plenkreskuloj. Laŭ plano publikigita komence de 2009 AS kaj IS kuniĝos al Junulara E-Semajno (JES). La 1-a JES laŭ tiu intenco okazu fine de 2009 en Zakopane, Pollando; tiam ne okazos IS en Germanio.

"Novjara Internacia Semajno" (NIS)

Por eviti mankon de renkontiĝo por junuloj en Germanio ekde la jarŝanĝo 2009/10 la asocio EsperantoLand ofertas la aranĝon "Novjara Internacia Semajno" (NIS). Por tiu nova IS iom pliriĉiĝis la ĝisnuna junulara programo de NR; partoprenas ĉefe junuloj inter 14 kaj 20 jaroj.

Multaj infanoj kaj junuloj

NR bone taŭgas por familioj kun infanoj. Ekde la 3a NR partoprenas regule 40 ĝis 60 infanoj kaj junuloj inter kelkaj monatoj kaj 20 jaroj, triono ĝis duono estas denaskuloj. Per tio NR verŝajne fariĝis la plej granda Esperanto-renkontiĝo por infanoj kaj junuloj ĝis 16 jaroj. Krome partoprenas ankaŭ pluraj dekoj da plenkreskaj unuopuloj kaj paroj sen infanoj.

Kunlaborantoj / programo

  • Christoph kaj Ines Frank estas gravaj kunlaborantoj en diversaj programeroj. Christoph (Zauberbühne) profesie okupiĝas pri pupteatro kaj tial povas facile pruntedoni al la NR materialon ekzemple por la vespera programo. Kutime dum NR ili ellaboris domludon kaj ekzemple en 2005-2006 interalie mezepokan vesperon. Krome ili kaj la helpantoj kun infanoj kutime konstruas plej diversajn objektojn.
  • Ĉiam estas silvestra festo kaj okazas diversaj ekskursoj.
  • Tradicie okazas ĉiam prelegoj pri diversaj temoj. En 2005-2006 inter deko da prelegoj temis ankaŭ pri Esperanto kaj politiko.

Listo de la ĝisnunaj kaj planitaj NR-oj

NRDatojUrboPartoprenintoj
20a NR2023-12-27 - 2024-01-03Wiesbadenplanata
19a NR2022-12-27 - 2023-01-03Wiesbaden~175 (NR+NIS)
(19a NR)2021-12-27 - 2022-01-03(Wiesbaden)nuligita[1]
(19a NR)2020-12-27 - 2021-01-03(Wiesbaden)nuligita
18a NR2019-12-27 - 2020-01-03Wiesbaden212 (NR+NIS)
17a NR2018-12-27 - 2019-01-03Wiesbaden216 (NR+NIS)
16a NR2017-12-27 - 2018-01-03Saarbrücken201 (NR+NIS)
15a NR2016-12-27 - 2017-01-03Saarbrücken196[2]
14a NR2015-12-27 - 2016-01-03Saarbrücken211[3]
13a NR2014-12-27 - 2015-01-03Bitburg162 (NR+NIS)[4]
12a NR2013-12-27 - 2014-01-03Saarbrücken203 (NR+NIS)[5]
11a NR2012-12-27 - 2013-01-03Xanten161 (NR+NIS)[6]
10a NR2011-12-27 - 2012-01-03Bitburg177 (NR+NIS)[7]
9a NR2010-12-27 - 2011-01-03Saarbrücken194 (NR+NIS)[8]
8a NR2009-12-27 - 2010-01-03Saarbrücken194 (NR+NIS)[9]
7a NR2008-12-27 - 2009-01-03Frankfurto ĉe Majno144
6a NR2007-12-27 - 2008-01-03Föckinghausen (komunumo Bestwig)139
5a NR2006-12-27 (26) - 2007-01-03 (07)Treviro174
4a NR2005-12-28 - 2006-01-08Frankfurto ĉe Majno119
3a NR2004-12-27 - 2005-01-03Kastelo Marienburg apud Zell (Mozelo)153
2a NR2003-12-27 - 2004-01-03Tecklenburg64
1a NR2002-12-28 - 2003-01-02Fürstenberg/Havel (norde de Berlino)55

NR 2009/2010

  • Ĉeftemo (ĉefe, sed ne nur por la junulara programo): "Ne nur la mondo estas ronda"
  • Pupteatraĵo de Christoph Frank: "ElefanTonoj" (Elefantoj kaj tonoj)
  • Samtempe okazos la 1-a "Novjara Internacia Semajno" (NIS) por junuloj kaj junaj plenkreskuloj

NR 2008/2009

  • Ĉeftemo de la junulara kaj infana programo: La kvar elementoj
  • Junulara diskoteko kaj junulara filmkreado
  • Koncerto de Alejandro Cossavella
  • Pupteatraĵo de Christoph Frank pri Münchhausen
  • Ekskurso al Darmstadt

NR 2006/2007

  • Ĉeftemo: Medio
  • Temo por infanoj: Ludiloj el rubaĵoj
    • Kiel infanoj de la tuta mondo ludas per tio kion ili trovas en la naturo.
    • Fotoekspozicio pri ludiloj el la tuta mondo.
    • Oni verkas ludilojn el kunportitaj rubaĵoj same kiel multaj infanoj de la mondo faras.
  • Vespera programo
    • Magia vojaĝo tra la mondo
  • Distra programo: kunportindas ludoj, muzikiloj, kantaroj
  • Lingvokursoj: baza kurso por komencantoj; konversacia kurso por progresantoj

NR 2005/2006

Fontoj

  1. ↑ Libera Folio 22 dec 2021 esperante
  2. ↑ Liba Gabalda, La Ondo de Esperanto, feb. 2017; komenco de la artikolo legebla ĉe La Balta Ondo 30 jan. 2017
  3. ↑ “Rekorda Novjara Renkontiĝo”, el Esperanto 1299, feb 2016, p. 33
  4. ↑ Ondo de Esperanto 2/2015
  5. ↑ Ondo de Esperanto 2/2014
  6. ↑ Ondo de Esperanto 2/2013
  7. ↑ Ondo de Esperanto 2/2012
  8. ↑ Ondo de Esperanto 2/2011
  9. ↑ Ondo de Esperanto 2/2011

Eksteraj ligiloj

Ĉefaj Esperanto-renkontiĝoj
Tutmondaj Esperantoflago
Eŭropaj
Arkones • BET • EoLA • FESTO • IJF • IJS • JES • KAEST • KEF • KISO • KKPS • NR • PSI • REF • SEFT • SES
Aziaj
Historiaj
AS • IF • IS • SEJT
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.