Jen listo de okazaĵoj en novembro 2022:

15-a de novembro 2022

• Unuiĝintaj Nacioj taksas, ke la monda loĝantaro transpasis la sojlon de 8 miliardoj da homoj. Laŭ prognozo [] (angle), post ĉirkaŭ unu jaro Barato fariĝos la plej loĝata lando post Ĉinio
• Du misiloj trafis grensekigilon en vilaĝo Przewodów en Pollando, mortiginte du kamparanojn. Pli detale ĉe Vikinovaĵoj.

16-a de novembro 2022

• Sukcesis la unua lanĉo de la usona raketo SLS kadre de la programo Artemis, kiu celas novan surlunigon de homoj.

20-a de novembro 2022

• Komenciĝis la Futbala Mondpokalo 2022 en Kataro.
• Turkio bombis militajn instalaĵojn de kurdoj en Irako kaj Sirio, nominte tion respondo al terora atako en Istanbulo; ĉirkaŭ 30 homoj pereis. Estas anoncita eventuala surtera operaco.

21-a de novembro 2022

• Tertremo en insulo Javo, Indonezio, kaŭzis pli ol 300 mortojn kaj centojn da vunditoj.

24-a de novembro 2022

• Incendio en alta loĝkonstruaĵo en Distrikto Tianŝan (urbo Urumĉio, Ujgura aŭtonoma regiono de Ŝinĝango, Ĉinio), mortigis 10 homojn kaj vundis 9 aliajn.

27-a de novembro 2022

• Post la incendio en Urumĉio (Ŝinĝango, Ĉinio) dum kiu pereis 10 homoj, laŭdire fermitaj en sia domo pro la kronvirusaj limigoj, en pluraj lokoj tra la lando okazis protestoj kontraŭ la politiko de "dinamika nuligo" de COVID-19.

30-a de novembro 2022

• Eks-prezidanto de Ĉina Komunista Partio Jiang Zemin mortis en Ŝanhajo