Jen listo de okazaĵoj en novembro 2021:

3-a de novembro 2021

• Renoma literatura Premio Goncourt 2021 estis aljuĝita al Senegala verkisto Mohamed Mbougar Sarr.

5-a de novembro 2021

• Eksplodo de naftokamiono okazigis pli ol 90 mortoj, ĉefe de homoj kiuj venis preni nafton el akcidentita kamiono.

10-a de novembro 2021

• La verkistino Cristina Peri Rossi gajnas la Premion Cervantes de hispanlingva literaturo.

13-a de novembro 2021

• Pro poluo, Nov-Delhio fermis siajn lernejojn por unu semajno.

13-a de novembro 2021

• Nova kverelo inter rivalaj bandoj okazigis 68 mortojn en la prizono de Guayaquil, Ekvadoro.

15-a de novembro 2021

• Dum la ribeluloj el la norda regiono Tigrajo alproksimiĝis al Adisabebo, ĉefurbo de Etiopio, tie okazis tajdo de arestoj de tigrajanoj pro etna deveno.

16-a de novembro 2021

• Inter Armenio kaj Azerbajĝano eksplodis unua grandskala batalado ekde 2020, kiu finiĝis vespere per pafĉesigo. Pli detale ĉe Vikinovaĵoj.

20-a de novembro 2021

• 33 konkoj, uzitaj por ornamado kaj datrilatantaj al antaŭ proksimume 150 000 jaroj, estis malkovritaj en kaverno (Artnet) de Maroko.

19-a de novembro 2021

• Du monatojn post ekerupcio, vulkano Cumbre Vieja en la insulo La Palma, Kanarioj, Hispanio, plu okazigas grandajn detruojn.

21-a de novembro 2021

• Almenaŭ 75 migrantoj mortis pro boatakcidento dum provo atingi Italion el Libio, kio totalis jam pli ol 500 mortintojn kaj pli ol 700 malaperintojn tiukadre en la jaro.
• Protestoj en Belgio, Nederlando kaj Aŭstrio kontraŭ novaj limigoj pro nova pliigo de kazoj de KOVIM-19.
• Unua raŭndo de prezidentaj balotoj en Ĉilio finiĝis per preskaŭ egaleco kaj okazos dua raŭndo.
• Lokaj kaj regionaj balotoj en Venezuelo.

23-a de novembro 2021

• Ne malpli ol 45 pasaĝeroj mortis pro incendio de buso, kiu estis revenanta el Istanbulo al Norda Makedonio, apud Bosnek, okcidenta Bulgario.

24-a de novembro 2021

• Mortis pro renversiĝo de boato 31 enmigrintoj, kiuj klopodis atingi Brition el Francio.
• Sveda ĉefministro Magdalena Andersson eksiĝas kelkajn horojn post sia elektiĝo, pro disfalo de la parlamenta koalicio.
• Vakcino kontraŭ KOVIM-19 por adoleskantoj estas registrita en Rusio. Ĝi baziĝas sur Sputnik V. Laŭdire pli ol 30 mil rusiaj adoleskantoj malsanas je KOVIM-19 nun.
• Diplomatia krizo okazas inter Ĉinio kaj Litovio post malfermo de oficejo de Tajvana reprezentanto en Vilno.
• Sukcesis la lanĉo de la kosmosondilo DART, kies celo estas elprovi metodon por deviigi asteroidon, ĉi-okaze la sateliton de la asteroido 65803 Didimo.

25-a de novembro 2021

• la komitato de TEJO ne subtenis la proponon pri kvotoj laŭ genro kaj loĝloko por kandidatoj al postenoj en la organizo.
• Almenaŭ 52 laboristoj mortintaj pro eksplodo de metano en mino de Siberio.
• La 25-a de novembro estas deklarita Internacia Tago por la Eliminado de la Perforto kontraŭ Virinoj, kaj en diversaj landoj okazis protestoj kontraŭ malaktiveco de registaroj por eviti tian fiagadon.
• Oni anoncis por Germanio kreadon de tripartia registaro (socialdemokratoj, liberaloj kaj verduloj) kun kanceliero Olaf Scholz, post 16 jaroj de regado de CDU kaj Angela Merkel.

26-a de novembro 2021

• Francio kaj Italio subskribas amikecan traktaton.

29-a de novembro 2021

• Ŝtorma vento damaĝis aŭtojn, arbojn kaj domojn en Istanbulo, kvar homoj mortis de vundoj.
• La unua virina ĉefministro de Svedio, Magdalena Andersson estas reelektita de la parlamento denove, post kvintaga paŭzo, kaj enoficiĝas, gvidanta socialdemokratian minoritatan registaron.

30-a de novembro 2021

• Barbado iĝis respubliko, kun Sandra Mason anstataŭante la reĝinon Elizabeton kiel ŝtatestro.
• Kvar kuracistoj el bulgaraj urboj Asenovgrad kaj Rakovski estas arestitaj pro vendo de 250 falsaj vakcin-atestiloj.
• Grekio devige vakcinos ĉiujn loĝantojn super 60 jarojn aĝajn kontraŭ KOVIM-19, nedezirantoj pagos monpunon.
• La maldekstrema Xiomara Castro venkis en la balotado de Honduro.